قصيدة محمد بن فطيس الله يجازي

الله يجازي من يسوي سواتك
وبذنوب من سوى سواتك يجازيك

مشيت درب الثقل وتحب ذاتك
ماتدري انه للمهالك يوديك

غرك جمالك ياخساره حلاتك
ماتدري ان ماغير طبعك يحليك

بتقول زينك يشفع لسيائتك
الحسن ماهو عن وفاء الحب يعفيك

لو التواضع والوفاء من سماتك
بعت الحبايب كلهم دين واشريك

لاكن عجزت اغيرك ياجراتك
على الغياب اللي بلا عذر ينجيك

خطاي في توضيح وشي غلاتك
وخطاك في توضيح وشو تغليك

وشلون توصيني وتنسا وصاتك
وتصد عن صوتن تقطع يناديك

مافاتك التجريح والعذر فاتك
وتبغى الراي! الحين ماعاد يمديك

صحيح احبك بس هاذي جزاتك
بعلمك درس يفيدك ويحييك

تدري وش ابيض من خفوقك؟ عباتك!
وتدري وش اللي غرني نظرتي فيك

ادري بتستغرب تصبر وجاتك!
قصيدة من واحد كان يبغيك

وتبغى تناظر وانت عايش مماتك
شف وحدتك والناس تجلس حواليك

وتبغى تشوف اشجع رجل في حياتك؟!
شفني وانا مقفي على كثر ماغليك



الشاعر/ محمد بن حمد بن فطيس المري

	المشاركة الأصلية كتبت بواسطة عبدالله السويهري

	تدري وش ابيض من خفوقك؟ عباتك! شكل عنده عمى الوان و الا العباية لونها ابيض ههههه < دوعابة البيت بالحيل قوووووووي و لاذع // / وتبغى تشوف اشجع رجل في حياتك؟! شفني وانا مقفي على كثر ماغليك خطير ذا البيت ( ما قصر فيها مرة يهاوشها ومرة يوضح وش كثر يغليها) الله يعينها عليه خخ

إختيار رائع و ذوق مميز
يعطيك العافية خيووووووووو.

[درة الاماني]

قصيدة رائعه بصراحه
وانا دايم احب اسمع للشاعر محمد بن فطيس
ومن القصايد اللي احب اسمعها له

ماجـور ياللـي مـن فراقـك تعلمّـت

ان الزمـن يومـيـن طيّب..وخـيّـب

فاجئتنـي بمفـارقـك مــا تولـمّـت

كـذا بـدون اسبـاب عنـي تغـيّـب؟؟

مامـت مـن فرقـاك لكـن تألـمـت

وراسي مشيّب لو مـا راسـي مشيّـب

ولولا السحا من عاذلـي مـا تلعثمـت

طاولته اللـي فـي يـدي مـن قريّـب

اضحك واسولف وان لحقني سهر نمت

لـكـن قـسـم بالله مـانـي بطـيّـب

اكافح اهل الشمت بالسمت ..والصمـت

ومن شوفتـك صدفـه قعـدت اتهيّـب

اخاف اشوفك واكسر الصمت ..والسمت

وادعيـك تـو النـاس وانـا مغـيّـب

جيشك علي ما فـاز وانـا استسلمّـت

وذل المحبـه ذل مـا هــو يعـيّـب

تدري من المخطـي ولـو مـا تكلمـت

ياللـي لضنـي ضنتـي مـا تخـيّـب

الله يجازي من يسوي سواتك
وبذنوب من سوى سواتك يجازيك

طرح رائع

الله الله يابن فطيس شاعر حقيقي دخل الساحه الشعبيه وتربع فوق عرشها بكل جداره
خطاي في توضيح وشي غلاتك
وخطاك في توضيح وشو تغليك

اجرام / ابداع / اقلاع / تفرد بالعذوبه يابن فطيس