يابن معتوق . . تعال جاي انا افداك هههههه

صحت الألسن

إبداع

إمتاع

شكرا أحبتي شكرا

تصبحون على خير

أبدعتم شعرائنا الكرام وبيض الله وجيهكم.

وشكر خاص للجمهور الغالي .

وللأخت سحاب عبر الشاشة التلفزيونية المغلقة .

وسوي تمارين يا ابو المثلم للمحـــــاورة القادمة وتراني في صفك من دي الوئتي> ما يبغالها كلام

يالله عودنا يم برج المليون

اللي يبا طلبه يجينا


فيه واحد يبا الشياخه لكن يبطي عظم ,,, صبيرك ياللي مسوي شيخ

بن عادي ان شاء الله في القريب العاجل سوف تجدني سادح لي طلب في شريط الاهداءت طبعا نصه (( بن عادي مطلوب للمحاوره ))

فلا تهلع ولا تجزع

رايـــد الهـــذلي

[poem=font="simplified arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
سلامي سلام(ن) له مع الطيب مبدا مااختلف=عـلـى ذوق مــن للنايـفـه دوم بـتـال الخـطـى
يقولون ابن معتـوق متهـوم لكـن مـا اعتـرف=وأنا جيـت أحقـق واخـذ الصـح وارد الخطـا[/poem]


عمــآد العبيـــدي

[poem=font="simplified arabic,5,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
هلا مرحبا ترحيبـةٍ راس مـال.. اللـي وقـف=علـى ذوق مـن للأولـه لا..قـدم يقـدم عـطـى
وش تقول في دعوة خطا مير صاحبها حلف=بعد جيتها بالثوب..كسوه وهي جات أمعطـى[/poem]



رائـــد هــذيـــل

[poem=font="simplified arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يدوم البقـى لـو إن عانيـك باقـي مـا أنقطـف=وأنا خابر إن السيـف حـده يبـان إليـا سطـى
شهـود القضيـة حالفيـن إن مغرافـك غــرف=لكن صاحبك وشلون في دعوة الباطل سطى[/poem]


عمــآد العبيــدي

[poem=font="simplified arabic,5,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
عـلـى كــل عـانـي ينـعـقـد دون مـثـنـاة الـهــدف=لا تحتار مايرقى العطى من ضري مشي الوطى
ثلاثـة شهـود "فقـم" وأثنيـن مــن وســط النـجـف=وأنـا شاهـدي فـي غيـر درب الحشيمـة مـاوطـى[/poem]



رائـــد هذيــــل[poem=font="simplified arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تقـولـه يــوم إن الله بلطـفـه وتقـديـره لـطـف=سياسي محنك مير طبيت في سوق أعبطـى
تولـم وخـذ منـي نصيحـه بميـثـاق الـشـرف=على الطيب يازين الذي شدّ سرجه وأمتطى[/poem]


عماد العبيـــدي

[poem=font="simplified arabic,5,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
أقوله وأنا ما خذت لي علم من وقتي سلف=أعرف العلوم وكل قدرٍ على راسه غطـى
تمثل وخذ مني نصيحـه ودور لـك طـرف=أنا سرحتي من صبح "للوبر" وإلا للقطـى[/poem]


رائـــد هـــذيـــل

[poem=font="simplified arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
كبـار العلـوم اليـا تثنـت عيونـك فاالخـلـف=نبا نغبط اللي مع هل العرف ماعمره بطى
ترى الليل توه لا يزحزحك ملعون الجدف=انا خابر انك تالي الليـل مـن قـوم انشطـى[/poem]


عماد العبيــدي

[poem=font="simplified arabic,5,green,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
أنا مقدر أحلف وأقرع الثور لاياكل علـف=على الثوب الأبيض تعرف الدم لامنه أنقطى
يا متن الفقير إللي تواريت في ثوب الترف=عسى مانسيت أنك قبل يوم من ناس ابسطى[/poem]


رائــــد هــذيـــل
[poem=font="simplified arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لـو انـي احـب الوعـد مانـي بمومـن فاالصـدف=بسجل قضية ضد مجهول (هاء ،ميمين ، طئ)
ليـا نشفـت الأريـاق أنـا ريـق علـمـي مانـشـف=ابسـيـر الركـبـان واجـيــب فاالـعـلـم اوسـطــى[/poem]


عماد العبيــدي

[poem=font="simplified arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تبا تارد العـد المسمـى لكـن ياللأسـف=بيدهشك زود العلم والطير ابو ريش ارقطى
عرفنا سلوم القوم والجاهل اللي ماعـرف=يبا ينخدع في زول رجال لحيتـه أملطـى[/poem]

سبحان الله والله إني كل ليلة فاضي زي هالوقت ههههههههههه


الليلة جوني ضيوف، بصراحة فاتني الكثير، دوبني امر تعليقات ماتوفت، هههههههههههههههه

يالله بسيطة وأعتذر للجميع عن عدم الرد على المداخلات، والله إني أنسرق سرقه أخذ كلام رايد، وابني وارد،، حتى زملاء الوالد شكله بيقولون له ولدك شكله ضارب برشامه، من كثر ما الف، ومسرح..


هههههههههههههههههههه


المهم سعيد بهذا التواجد، وفقكم الله

<< يفكر مع نفسه بعد ماقرا تعليقه،،، أنت وش تقول؟؟

محاوره قويه وممتعه

تحدي قوي .. وجداره .. اقوى

بين شعراء اقوياء بحق .. يجدون القتال على ارض المحاوره بأستراتيجيه ..

الف شكر على هذا المحاوره و المثال الناصع لشعر الرد الهذلي ..

اخي الشاعر رايد هذيل

و

اخي الشاعر عماد الشعر





واعتذر بكل مااملك .. عن عدم حضوري لمشاهدة فعاليات هذه الرائعه ..

واكرر اعتذاري اخواني الكرام



فقد كنت معزوماً في عروس البحر ..

كلها نهارين على العباره يامصر >> عزالله قربنا ياعماد ههه




تح ــــــــــــــياتي

صح لسانك يارايد
صح لسانك ياعماد


محاورة قوية جداً يندر وجود مشابه لها في عالم النت

أشكركم من الأعماق

الله لايهينك يابو دخيل الله


ولايهينك يابو رديد


صحت ابدانكم،، وصحت ابدان الجميع



كان بودي المشرف يتنبه لقوة المحاورة ،، ويثبتها.

والله زمان عن هذي الجزاله

تحية اعجاب حد الانبهار لشاعرينا على هذا القاف

محاورة تحمل معاني جميلة
وأثبت كلا من الشاعرين شعاريته الرائعة
الله لايهينم ويعطيهم العافية

السلام عليكم ورحمة الله وبركاته

بيض الله وجهك يا لمبدع عماد الشعر


وبيض الله وجهك يالمبدع رايد هذيل

واستمتعنا بسهرة شعرية فاخرة

يثبت الموضوع وأعلى تقييم للشاعرين الكريمين.

محاوره رائعه


صحت الالسن


اطيب التحايا

صح السانك ياالشاعر