قصيدة التوبة للشاعر فهد بن عجلان العجلان رحمه الله

[align=center]~*¤ô§ô¤*~*¤ô§ô¤*~قصيدة التوبة~*¤ô§ô¤*~*¤ô§ô¤*~[/align]
[poem=font="Simplified Arabic,5,black,bold,normal" bkcolor="white" bkimage="" border="outset,4,green" type=0 line=0 align=center use=ex num="0,black"]
قال ابـن عجـلان والبـال مشتـان =الله خبر وش بلاي انهاضـت أعبـار
من العام وجعان مـن شـي أجزانـي =أشكي حوالي على اللي فرض أشبـار
كني علـى ملـه ، مستدخـل علـه =و أرجو المعافا من اللي ينش الأمطارٍ
يا الله بالصبر ، لي جيت فـي قبـري =مـدوا علـى اللبـن بتـراب حفـار
فـي منـزل الـدود والقبـر مسـدود =صفوا علي اللبن و أغموا بـه الغـار
و أقفوا وخلوني وإن صحت ما أوحوني =لازم عبيـد القـبـر يـجـون زوار
لي منهم جونـي ، هميـن سالونـي =برحمتك لا بالعمل يـا والـي الأقـدار
لي دنا الأجل ، إن كـان هـو عجـل =فأنا لي سنين تايـب ، أقبـل أعـذار
ما قلت مكتـوب ، إحسـان وذنـوب =اللي على الكتف يكتب كل مـا صـار
اللي عمل سيه ، يلقى العمـل سيـه =ولا يجازي سوى مثـل الـذي صـار
وعمـال الاحسـان يجـزاه بجـنـان =بجنـان خلـد تداعـج فيـه الانهـار
دنيـاك ميالـه ، علـيـك عيـالـه =إما وطتك العشا تـا طـاك الأنشـار
دنياك لو زانـت ، لابـد مـا شانـت =تشبه رفيق لـي مـن صـار بـوار
كم صفة راحـو ، وأقرابهـم ناحـوا=صاروا لنا يا التوالـي مثـل الأنـذار
بلدانهم بادت ، من عقب مـا شـادت= تشوف فيهـا توالـي حبـس وجـدار
كم واحد ماله ، ما فـدا عـن حالـه =يظهر من البيت عـاري فوقـه وزار
من فوق عـودان ، صكـت بعمـدان=عود يسمى النعـش صكـوه بوسـار
هم الله أعلم بـه ، أمـا غفـر ذنبـه =والا بنـار تلتهـب فـيـه بأسـعـار
يا مفرج الضيقة ، في ساعة الضيقـة =لي من عبدك وقف في دربـه وحـار
يا رب أغفر لـي ، مـن قبـل أزلـي =والعبد ملفى الخطايـا وأنـت غفـار
اللي نصـوا بيتـه ، بذكـره أوحيتـه =شـدوا علـى الفيـل فجـار وكفـار
يبـي يشيلونـه مـا حـد يحاكونـه =أرسل عليهم طيـور معهـن أحجـار
وأذلهم رب ، مـن حيـث مـا حـب= شـال لهـم بيـن مخـلاب ومنقـار
و أتمهـا أصل ، عـداد مـا هـل =على محمد اعـداد هـلات الامطـار [/poem]

وسلامتكم

ونت سالم
الله يرحمه ويجعل الجنة مثواة
اعجبتني القصيدة خصوصا
لهجتها الجميلة
دنياك لو زانـت ، لابـد مـا شانـت\\ تشبه رفيـق لـي مـن صـار بـوار

اشكر أخي فهد على نقل هذه القصيدة الرائعة ، التي جمعت بين التوبة -والتي نسأل الله أن يتقبلها من شاعرنا ومنا - وبين الحكمة خصوصا الوصف الدقيق للدنيا :

دنياك مياله عليك عيّاله ####### إما وطتك العشا تاطاك الأنشار

دنياك لو زانت لابد ما ####### تشبه رفيق لي من صار بوار




ودمتم لي بود

شكرا لك اخوي فهد هذيل على النقل

ورحمة الله على شاعر القصيده

واسمح لي بنقل القصيده الى قسم شعر وشعار هذيل

لان قسم شاعر هذيل مخصص لقصائد ومحاورات عبدالله المسعودي

اجمل تحيه

قصيده جزله لا يقولها الا شاعر جزل


رحمه الله و اسكنه فسيح جناته ان شاء الله



و شكرا لك اخي فهد على ما نقلته لنا








تحياتي ,,,

الأخ مشهور أشكرك على مرورك وانا سعيد بأن القصيدة اعجبتك

الاخ صاحب الأمتياز مرورك وتعليقك هو الرائع وبيض الله وجهك

الأخ هذلي والفخر لي أعذرني على الخطأ فهذه أول قصيده اضعها واشكر لك مرورك ونقلك للموضوع وبارك الله فيك .

الأخ ابو سعد يشرفني مرورك الكريم وتعليقك الجميل .

السلام عليكم ورحمة الله وبركاته.
أخي الغالي فهد.
وفقك الله على نقل هذه القصيدة الأكثر من رائعة من خلال معانيها ومافيها من حكم..

رحم الله الشيخ ابن عجلان ورحم موتانا وموتى المسلمين.

لك تقديري

والنعم بالشاعر فهد العجلان والعجلان كلهم معروفين واشهر من نار على علم ونفتخر فيهم كلهم .

مرحبا بك يافهد بس باسالك من بن عجلان هذا ممكن ترسل لي اسمه او لقبه

هو الشاعر / فهد بن عجلان العجلان المطرفي الهذلي من كبار شعراء الرغبه اشتهر بلقب ( عقيف ) تزوج في سن متاخره وليس له ذريه
ولد في رغبة 1242 هــ وتوفي بها 1322 هــ .

رحمه الله رحمةً واسعة

للإستماع للقصيدة

http://www.mediafire.com/?s55l8tlj9tdg5os