هذا ردي على عبد العزيز الهذلي

اخواني الكرام
السلام عليكم ورحمة الله وبركاته
وكل عام وانتم بخير
اضع بين ايديكم ردي المتواضع
على الشاعر
عبدالعزيز الهذلي في قصيدته الموجهه
لي وقد تاخرت في الرد واعتذر لأخي عبدالعزيز
نظرا لانشغالاتي وارتباطاتي في مناسبات العيد

وهذ البدع من عبد العزيز الهذلي

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
لـو القلـم والمحبـرة يــدرون عــن مـافـي الضمـيـر=قـــدام لاكـتــب بـيــت شـعــر يــجــف حــبــري بـقـلـمـه
لاكن يابو سامـي زمـان اول تحـول مـن عصيـر=مــــــن يــــــوم سـلـمــنــا كـرامـتــنــا لــعــصــر الـعــولــمــه
استـسـلـم الـمـاضـي لحـاضـرنـا وحـكــم الله يـصـيـر=مــاعــد مـعـانــا الا الــدعــاء نـدعـيـلــه الله يـرحــمــه
والناس تحسب لابس البشت المقصـب بالحريـر=يــــقــــدر يــغـــيـــر مــاكــتــبــه الله لـــعـــبـــده وقـــســـمـــه
بالصفصطه يسحر عقول الناس ويسير وتسير=الــنــاس مــــن خـلـفــه فــجــوج وكــــل فـــــج يـعـظـمــه
والـنــاس لـــو تـعــرف بـدايــات ونـهـايـات المـصـيـر=مـاكــان احـــد درهـــم بـسـاقـه فـــي سـيـاقـه وقــدمــه
وقـــــول لـلــراعــي مــنـــام الــريـــع مـايـغـنــي الـفـقـيــر=يــزيــد فــقـــره فـقــرلامــن حـــــاف ســرحـــان اغـنــمــه
يغبب الطارف وياكل خير مافيها ويترك للجعير=ســورة ويـرجـع يـاكـل الـراعـي ويـشـرب مـــن دمـــه
هــذا وانـــا وظـفــت لـــك مـعـنـى الـفــرزدق يـاجـريـر=كــل الـحـروف مترجـمـه واسـمـع كـلامــي وافـهـمـه
وانــــا قــبـــل يـاصـاحـبــي مـاخــتــم الـبــيــت الاخــيـــر=لامــــات مـاضـيـنـا بـحـاضـرنـا عــســى الله يـرحــمــه[/poem]

هذا ردي على /عبدالعزيز العلوي الهذلي :

[poem=font=",6,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
المشكله ماهي كذا والواقع اخطر من خطير=وجه (ن)تبين وانعرف غير الوجيه المعتمه
القهوجيه قامت اتنافس على منصب وزير=الياضمن ماحدا يشوفه حط ثوبه في فمه
مير الليالي تتبع الايام والايام غير=من خلقة الايام بيضا والليالي مظلمه
لكن انا بوجز لك الموضوع في موجز قصير=وانته لبيب وحر ماتحتاج سرد امقدمه
اللي تحت زور البعير يقول في ظهر البعير=مسكين يحلم بالسلامه مير مالله سلمه
بعض الطيور اتحرك الجنحان ماتقدر تطير=هذي تراها لااكلات اللحم وجبه والمه
انذرت ابوالبشت الحمر لكن ماسمع النذير=عيا يعرف الفرق مابين القلم والمرسمه
كيف اسمع الاصنج وكيف انشد عن الدرب الضرير=اللي عجز يتعلم امن الوقت كيف اتعلمه
عزالله اني كنت حاشمهم ومغليهم كثير=الين ولياها تخاطبني وجيه املثمه
سود اللثائم ماوراها غير كفران العشير=قربت من ساره واثر ساره رفيقة فاطمه
اللي معه غيره على سمعة بني عمه يغير=واشد غيره غيرة المسلم لعرض المسلمه[/poem]

وعليكم السلام ورحمة الله وبركاته ، ومن العايدين السالمين الغانمين.

بدع ورد في غاية القوة والجمال وجود السبك ، كيف لا وهي من شاعرٍ له القدح المعلى في التألق والجزالة ، وتشرفت بالمرور ، والنهل من معين الشعر الحقيقي.


تقبل مروري وتقديري البالغين ،،،

الله الله يابو سامي

بركان غضب حينما يزداد الضغط على الجرح ينفجر الشعر الاجمل

شاعر كبير لك حساباتك التي لاتخطي

ابيات لاتقدر بثمن لأن كاتبها هو شاعر كبير شاعر يعرف حدود الممكن والمستحيل


لله درك من شاعر


اعطر التحايا

[poem=font="traditional arabic,6,black,bold,normal" bkcolor="transparent" bkimage="" border="double,4," type=1 line=0 align=center use=ex num="0,black""]
انذرت ابوالبشـت الحمـر لكـن ماسمـع النذيـر=عيـا يعـرف الفـرق مابيـن القلـم والمرسمـه[/poem]


ياسلام عليك يابو سامي ..

لا والله إلى الفرق واضح وأرقى سنود ههههه

صح لسانك

صح لسانك يابو سامي انت وزميلك

روعه في كل شئ يعطيكم العافيه

دمتم بخير

سلمتوا
بدع ورد رائعين
وفقكما الله
وكل عام وانتم بخير

صوت و صدى رائعين

صح لسانك يا ابو سامي و لا شك انك من أفضل الشعراء

و صح لسان الشاعر عبد العزيز الهذلي قرأنا له ما يثبت شاعريته و يجعلنا ننتظر المزيد

.
.

ملاحظة بسيطة .... هناك خطأ إملائي في البيت الثامين في صدر البيت للأخ عبد العزيز

يغبب الطارف وياكل خير مافيها ويترك للجعير .....

فيه زيادة ربما أخلت بالوزن ....

صوت وصدى ولا أروع

صح لسانك يابو سامي لله درك استاذي

اطيب التحايا

صح لسانك يابو سامي وافيه من راس وافي

تقبل مروري

صح لسانك يابو سامي

ردد كله درر لا عدمناك

شاعريه فذه

تحيه طيبه لك ،،

الله وأكبر
بدع ورد في غاية الجمال والروعة والقوة

أبو سامي أنت مدرسة شعرية متفردة ننهل من معينها العذب
صح لسانك وعلا شانك
وصح الله لسان الشاعر عبدالعزيز الذي أثبت لنا شاعريتة الرائعة

صح لسانك يا ابو سامي وبيض الله وجهك

وصح لسان أخونا عبد العزيز..

لاهان الأخ والشاعر عبدالعزيز الهذلي صح لسانه قصيدة جميلة ذات حبكة ومعنى

ولاهان علمنا وشاعرنا القدير عبيدالله على هذا الرد الشافي الوافي


ابداااع لاهنتووووو...

خمس نجوم


ارق التحايا

الله يحيك يابو سامي وحي ردك


وصح لسانك مليون

واشكر جميع الاخوة على المرور




بس انا طلبت من مشرفين السم يعدلون صدر البيت الثامن منم اول مانزلت القصيده ولااحد تدخل للحين

ياليت يتعدل في اسرع وقت

ويكتبون بداله

يغبب الطارف وياكلها ويترك للجعير

اللي معه غيره علـى سمعـة بنـي عمـه يغيـر
واشـد غيـره غيـرة المسلـم لعـرض المسلمـه


صح لسانك وسلمت يمينك يا ابو سامي


استمتعت بقراءة الحوار الابداعي الراقي



لكما احترامي