ياذابل الشفـه اللـي هرجهـا خـدري.........م..ن

ياذابل الشفـه اللـي هرجهـا خـدري
ياناعس الرمش في نظـره وسلهامـه
الخد يزهـا جمالـه وجهـك البـدري
والقد يزهـا وصوفـه فـارع القامـه
ان جيت مقبل تناثـر ليلـك الغـدري
ضافي جديلك على الساقيـن واقدامـه
ترمي بسهم العيون وكان مـا تـدري
قلبي صويبك وهـذي طعنـة اسهامـه
الليـل بعيونـك النجـلا حفـر قبـري
من اول احلام عمـري لآخـر ايامـه
الوقت لاشفت زولك مـر بـي بـدري
كن الدقايق تـوازي ماضـي اعوامـه
الشعـر مايوصفـك لوانتثـر حبـري
على الـورق يا(.....)جفّـت اقلامـه
لكن عزايـه احبـك واقبلـي عـذري
القلب سيف المحبـه نـاوي اعدامـه
لومات حبـك ياحبـي مانـزل قـدري
اشوم بأسمي وراسـي رافـع الهامـه
مايكسر القلب غيـر البعـد ياجبـري
ولاينزف الجـرح الا غربـة اوهامـه
وشلون ابنسي غرام ٍ نبضه بصدري..؟
ياهاجس البوح والاحساس وهيامـه..؟
وياذابل الشفه اللـي هرجهـا خـدري
يفداك حرف ٍ رسمتي بصمـة ابهامـه

بارك الله فيك

الياسي يعطيك العافيه

مبدع والقصيده جميله جدا"

هذا الغزل والا بلاش

صح لسانك

قصيده غزليه عذبه

صح فكرك يا الياسي

اطيب التحايا

	المشاركة الأصلية كتبت بواسطة شباب

	بارك الله فيك

شباااااب تسلم على مروووورك الجميل
لك ودي

	المشاركة الأصلية كتبت بواسطة نايف الجابري

	الياسي يعطيك العافيه مبدع والقصيده جميله جدا" هذا الغزل والا بلاش

نايف يااااذوق
يسلم حسك الراقي

	المشاركة الأصلية كتبت بواسطة عقيلي من هذيل

	صح لسانك قصيده غزليه عذبه صح فكرك يا الياسي اطيب التحايا

صح كلك يامراقبنا الجميل

لك ودي

إنتقاء جميل شكراً لك يا ولد العم
تنقل للمجلس المناسب
تحياتي

الله يعطيك الف عافيه