رجز شعراء قبيلة دعد:

عابدبن جري الدعدي :

يامرحبا رحباً يوفي
في نوب ربعي الي توفي
وقوف للخطار حفي
الين توفي اللي عليها
شبهتها البيت المضفي
وهي هوا بالي وشفي
اهل العواني الي تدفي
ماتندر الحقان فيها

جبور الدعدي:

سلام والمعنى نباتي
يا اهل القرى قوم الثباتي
ياللي تريد الطايلاتي
عن النقد تحمي حللها
جينا بغالي المثمناتي
حسه يزلزل مايباتي
هد الصخور المزلقاتي
قض السوامي من جبلها

علي بن عجلان الدعدي:

موادعه واحسب حسابك
قدام لاتطلع جوابك
عاقل ولا ادري ويش صابك
والناس قالوا ايش المصايب
نعرفك من طلعت شبابك
والليله من يقرا كتابك
وإن طالت يامطول عذابك
ما بين شبّاناً وشايب

سعد ابوساق الدعدي:

يامرحبا رحب المحبه
يا ارحامنا يلاد شعبه
اللي يزورون الرحيم
بالوافيه وعلماً حشيم
ترحيبنا فوزه وثلبه
ترحيب نو الغيث صبه
من غير هباناً تهبه
اسقى السهل واسقى الكظيم
واحيا النوامي والهشيم
عاض العرب في دهور غلبه

مليح جابر الدعدي:

سلام من فسراً عجايب
يا اهل القري شبّاً وشايب
وإن نوخت عوج الطلايب
تكسب وتثني في عداها
في ماقف الشعار نايب
بالقارعه نبغي نجاوب
نبي نجنّب كل خايب
والفايزه تاخذ مداها

شكرآ لك اخوي سلمان الندوي
على التوثيق
رجز قوي وجزل

الله .. الله
عزالله رجز قوي

بيض الله وجهك يا سلمان على التوثيق

	المشاركة الأصلية كتبت بواسطة عباد الهذلي

	شكرآ لك اخوي سلمان الندوي على التوثيق رجز قوي وجزل

العفو يا عباد


ومشكور كل الشكر على المرور الرائع

	المشاركة الأصلية كتبت بواسطة قرناس بني ياس

	الله .. الله عزالله رجز قوي بيض الله وجهك يا سلمان على التوثيق

وجهك ابيض ياقرناس

شرفت بمرورك

بارك الله فيك ياسلمان

سلمت ياسلمان

بيض الله وجهك

بيض الله وجهك ياسلماان

سلمت ودمت وبيض الله وجهك جهود تشكر عليها ،،،

سلمت ياسلمان
وصحت ألسن الشعراء
ورحم الله من مات منهم

اشكركم جميع على مروركم الرائع