مساء الخير

مساء الخير للجميع
الشاعر اللي له شف في اللعب يسجل تواجده

حياك الله يامحمد مع أنك أنت الجديد والمفروض أنت اللي يسجل تواجده
لأن الجميع هنا مسجل تواجده من زمان
لكن ضيف وعزيز وتبشر بطلبك

استلم

هلا مرحبا بك في حلال(ن )لها شأن(ن) كبير
.................وتفخر ليا جتها اللوازم بكثر صفوفها
بعد جيت ياضيف الســـــــــــــعد دلّنا ننحر بعير
...............معازيب ماتذخر بغالي تســر ضيوفها

الله أكبر

صح لسانك يابشت المسعودي

وبانتظار قاف ممتع

	المشاركة الأصلية كتبت بواسطة أبو رديد

	الله أكبر صح لسانك يابشت المسعودي وبانتظار قاف ممتع

صح بدنك يابن العم وعشانه ضيف وغالي عطيناه اللحن الغالي

مرحبا تراحيب المطر يا محمد وصح السانك يالمسعودي بدعه وافيه من وافي

الله يبقيك يابشت ويطول عمرك
[poem=font=",5,,normal,normal" bkcolor="transparent" bkimage="" border="solid,4," type=0 line=0 align=center use=ex num="0,black""]

يدوم البقا ياهذيل يامرويت حد الشطير=نيابه عن اللي في الملاقى تروي سيوفها
يازين العلوم اللي توحيتها عبر الاثير=عن العالم اللي علمها سدني عن شوفها
[/poem]

ابورديد مرورك شرف كبير

السيف الصقيل الله يبقيك ويسلمك يالغالي

صحت السنتكم

حياك الله يابن هتلان

واستلم


يقال الشراء فالنور ينصف خشيرن من خشير
...............وسلم العرب فالسوق تلقى السند فكفوفها
تبا توحي الأخــــبـــــار لكن خاير واســـتخير
..................رجال النصيحه في بلدنا بقى معروفها

السيف الصقيل
فارس المطرفي


صحت ابدانكم وبيض الله وجيهكم

الله الله

صح لسانك يابشت

وصح لسان ابن هتلان وحياك الله

موعدنا الليله الساعه 9:30 انشاء الله
حتى يكون اللعب مباشر

الله الله صحت السنتكم جميع

محمد بن هتلان حياك الله في الراضه والعجله
والقاف هذا انا اخوك تملهص له يومين فالشمس
لكن اذا ماعندك مانع اببدع قاف جديد على نفس هذي الصفحه في موعدنا ان شاء الله



مشعل المعبدي صح بدنك وبيض الله وجهك