الجدي وسهيل

الخصومة قايمة بين الكحيلة والعبيه
------من يحل المشكلة بين العبية والكحيله
كلبوهن يدعن ان المرابط حدرجيه
------- والقضية تتعب اهل العرف واصحاب الفضيله
الله اكبر كيف طمعن في حقوق المعنقيه
-------كيف ننسى شمعة التاريخ والخيل الاصيله
الجدي وسهيل تبعد عن مدار الجاذبيه
------ من علو افلاكها كلن يحسّبها فتيله
ميرخلن الزعل يالخيل زينات السجيه
------- كلكن بيدين شيخ القوم وزحول القبيله
ابن حدري راعي القالات قيدوم السريه
------هذليٍٍّ مدركيٍٍّ خندفي مافيه حيله
في سنام المجد والارسان خيله عالميه
------ولا على هامة مضر والياس هاماتٍٍ طويله
حلفنا في الازد يوم الازد من خير البريه
------البقوم اهل الظفر والجود وعموقٍٍِِِ جليله
نرجع لسيرة بطلنا ماش فيها عنصريه
------فارس الفرسان من جا يطلبه مابه عقيله
مثل يوم بسوس والا يوم سفوة والغبيه
------واهل السبع المردف من سلاطين الدبيله
اشلعوها من حضن ثم عرّضوها المهمهيه
------مع فيافي نجد جاسوا وقعدوا عشرين ليله
راحت سمان وبدينة ثم ردوها حنيه
------وفعلوا فعلٍٍ يورخ به وفادوا للجميله
غيرها يوم البهارة جو لخوض الدوبليه
------بالتفق والرمح واّيا الشلف وسيوفٍٍ صقيله
لا بغوا درب عسير وصعب بنيتهم عليّه
------كل حرفٍٍ ينطقونه غير كلمة مستحيله
لو تقول الدايرة ما احدِ يبيها دايريه
------صلحوها دايرية وجعلوها مستطيله
والكرم ربعي هلٍٍِِ له واليدين الحاتميه
------ذا شعاع الشمس واضح مايبي علم ودليله
__________________

قصيدة جزلة وصح الله لسانك

وونعم بالبقوم ، والقصيدة لها مناسبة بالتأكيد

سلمت يابو سعد

	المشاركة الأصلية كتبت بواسطة سلطان السويهري

	قصيدة جزلة وصح الله لسانك وونعم بالبقوم ، والقصيدة لها مناسبة بالتأكيد سلمت يابو سعد

الله يسلمك ياسلطان السويهري
مناسبة القصيدة التفاخر بالخيل والفروسية مع عدم ذكر ارسانها ومصادرها لشئ في نفس داود

صح لسانك يابن سعد

تحياتي وتقديري

صح لسانكـــــــــــ

صح لسانــــك
الله يعطيك الف عافيه يـآرب
بانتظـآر جــديدك القــآدم
آحتـرآمي لك

[BIMG]http://www.theholidayspot.com/valentine/graphics/rose.gif[/BIMG]