محاورتي مع جنون 2

شباب



ياجنون الشعر هيا بنا نحو الهجوس

العرب نعرف سواليفها وعلومها


مرحبا ترحيبة ٍ تعطي اصحابي دروس


كل خطوة حاسب دفاعها وهجومها



جنون









البقا ياشاعر"ن" تالي الليله يجوس
والعرب تظهر محاسينها وثلومها

مايروق الفكر لا صار فالخاطر حسوس
ياعسى سود الليالي تبين انجومها





شباب

والله إنا مانبى صاحب الحظ النحوس
كل خلق الله لها طبعها وسلومها
الخواطر طيّبة والغريب يداس دوس
ياعسى سود الليالي تزول غيومها



جنون





الله العالم وعنده موازين النفوس
والروابع زندها مرتبط بعزومها

وين ذاك الطيب يوم أن للفتنه رؤوس!!
وكلّ كلمه ياعميلي لها مفهومها



شباب

والله ان الطيب باقي ولاهو بالفلوس
وين رجال ٍ صعد فوق متن رجومها
الفتن من سبة اللي يحدون الضروس
عالم ٍ ماتوقف أحزانها وهمومها



جنون


عزّتي للطيب من شوفة الوجه العبوس
في زمان "ن" أشتبه صقرها مع بومها

ياعسى تسطع لنا عقب ظلماها شموس
نقطف ازهار السعاده مع يشمومها


شباب

عزتي للي يكد المواتر والجموس
في زمان ٍ مشتبه بيعها مع سومها
والله اني رجل مير انت لك رقم الجلوس
ياجنون اللي يلم الرجال يلومها

صحت الالسن

بيض الله وجيهكم

تحياتي

الاخ النادر الله يسلمك

وحيالله نسايم دوحتنتا الابية شرفها الله بشعر راقي جميل

صحت الالسن الله يعطيك العافية
جهود رائعة ومميزة
لك كل التقدير
[BIMG]http://up.top4top.net/uploads/2011/12/12/top4top_eb566abc711.gif[/BIMG]

انصاف قلم الله يسلمك لتواجدك الجميل والمميز

عزّتي للطيب من شوفة الوجه العبوس
في زمان "ن" أشتبه صقرها مع بومها

ياعسى تسطع لنا عقب ظلماها شموس
نقطف ازهار السعاده مع يشمومها

صحت الالسن >>>

صحت ابدانك والله يحييك