مافهم لابسط معانيّه ؟!

مافهم لابسط معانيّه / التيوسي

وش يفهّمها ليا ربّت لحاها

في زمان الشك / وأيمان الغموسي

وانت بتمّرر من الدنيا حلاها

والحروف الساطيات / تكون موسي

ُتوصل اهل المُخطيات اليا قصاها

كم لقينا قوم بشباك النجوسي

لين صارت سُنة الاوهن / قضاها

الله يحمينا ولا غابت شموسي

تربيتنا ثابتة في مستواها

عازمين لنصرنا نعطي دروسي

في المعارك كانها دارت رحاها

وانت لك ذودك وفي عُمرك تحوسي

وإلتفتنا للصليبيّة واذاها

ثم ّ حصلناها ُتشرك / ما ُتروسي

والحسودي (مايسود ) اليا نواها

والله سوّد وجهته / رغم العسوسي

جفت ّ اشجاره ونخلُه دون ماها

وأنت تبغى التابعيّة / يا بوقوسي

مير جتك / الاربعين إبها حِداها

ماقدَحنا النار في شاشة ْ / نحوسي

كل خطّة شِعر نطلق مُحتواها

مير جا / (( للخيل خيّال ٍ )) يسوسي

واخبُر قِديرينكم // محْد ٍ ملاها

مير غانم / وابو زيد / تكون رُوسي

والرموز اليا بدت نفهم خفاها

مير سِكّينك // لليمون العبوسي

والغريب يمز ّ في الدُنيا غثاها

يامسارح / جَت ْ / للامريكي وروسي

ارضنا كل الجزيرة // آآنا فداها

عن رصاصات / ورشاريش الحُروسي

كل ثُلّة // جت ْ نبى نلعن ثواها

كُل ّ لحن يعطّر اجواء النفوسي

كم سهرنا ننقل ابيات وغناها

لين فرّقنا الجِمال // من الجموسي

ثم ّ رصّصنا الاكابر في عُلاها

والرمي حامي // يهل ضرب البُقوسي

كُل قِطْلة // تنكسر نشقر عصاها

والله ياصُفر الدفاتر // كم نروسي

كم بنينا في الممالك مع وفاها

مير مانطبخ من الطفرات // فوسي

والمرق ْ محْد ٍ // جناه ببخل جاها

يالشحيح وصاحب انياب وضروسي

سبعة اعوام ٍ مضت لك في عماها

اترك انته // ايليا !! والخال نوسي

والله ّ حسّن ْ // هيئة الدنيا وبناها

لك صوَر // ماهي تقدّر بالفلوسي

منت قطّاع الخماير // في بناها

والله يحرسكم من ديانا ؟ وبوسي

كان (( لورا بوش )) بكليب ٍ تباها

يا لِصيدك // او حراسة يامجوسي

اطف ِ نارك // واطلب المُعظم ل طاها

لا ُتوالي كل شيطان بطقوسي

بل ْ بعشر الحج ّ // قم واحذف حصاها

ادحره تكسب مداليّة وكُوسي

(( بالذهب والفضة وبرونز وغلاها ))

وانا حاشِر جملة اخصام الشروسي

كم نصارع //كم نقاتل // في طغاها

عمّكم مزاّع // لرقاب وتُروسي

مير جته الاحصِنة ترمح وتاها

صار وجبة // قالوا صينك // شبه شوسي

بالخشب تصنع ملاعق لي غذاها

والغُذامي //ناقشه بين الطروسي

مصطفى الدكتور ؟!! باخلاق ورضاها

والصوَر والاخيلة // قبر ورموسي

مير كل جِثة توارى في ثراها

والله يحفظ لك انس / ويعيش اوسي

ياذيابة كرّم الواهب نباها

صح لسااااااااانك

	المشاركة الأصلية كتبت بواسطة امير الليل

	صح لسااااااااانك

صحت ابدانك يالامير الهذلي الغالي على القلوب