هاذي هذيل

سبحان من أسرى بعبده جهر في سود ألليال
::::::::::::::::::::::::::::وأنزل سبا وألم ترى والزلزلة والمائدة

اللي جعلنا من شعوب ومن قبايل في اتصال
::::::::::::::::::::::::تحيا المواقف لو عظام أهل المواقف بايدة

بانت هذيل وبان للشاعر عن الشاعر مجال
:::::::::::::::::::::::::::::::::كلٍ قبل ما ينقدون الناس بيته ناقده

من لا تفكك وقفته روس الجبال من الجبال
::::::::::::::::::::::::::::ماله حضور إلا حضور العالم اللي قاعدة

جتني القصايد في خناجرها من القمرا هلال
::::::::::::::::::::::::أعنف من الحجاج في ثني السهوم الواردة

فيها البروق أللي تخطف أبصار سارين ألليال
::::::::::::::::::::::::::::::::في عرض مزنة موسمية عقربية باردة

هذي هذيل ومنبر الكعبة وسجادة بلال
:::::::::::::::::::::::::::مثل الثلاث البيض في سلم العرب متعاهدة

عاشوا من أصحاب اليمين.. ما هم من أصحاب الشمال
::::::::::::::::::::::::أهل الوجيه البيض وأصحاب الجباه الساجدة

من شاف بعض أمجادهم يطري على باله مثال
:::::::::::::::::::::::::::::::::مثل "الحياة بجنة الفردوس دايم خالدة"

ثلاث ملك هذيل ما تملك وتفلت بالريال
::::::::::::::::::::::::::::::أقل شي تلقى الهذيلي فيه منها واحده

"الشعر" ولا "الرمي" ولا "السبق " فطرة ما تحال
::::::::::::::::::::::::::مثل الحكم في المملكة ورث الولد من والده

الشعر ديوان العرب وأشعر عرب وأعرب خصال
:::::::::::::::::::::::::::::::تشهد لهم فيها تواريخ السنين الشاردة

عبد الله بن مسعود يكفيكم فخر في كل حال
::::::::::::::::::::::::::::::صاحب نبي الله رغم انف القلوب الحاقدة

قوم ليا قامت جنون الأرض وآلا الحال مال
:::::::::::::::::::::::::::::::::قامت قيامتها وجت بالكايدة والزايدة

الله وهب فيهم ثلاث خصال لا يمكن تزال
:::::::::::::::::::::::::::مثل الحكم في المملكة ورث الولد من والده

ــــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
(((منقولة)))

جتني القصايد في خناجرها من القمرا هلال
::::::::::::::::::::::::أعنف من الحجاج في ثني السهوم الواردة

صح لسان الشاعر
وصح لسانك

ثلاث ملك هذيل ما تملك وتفلت بالريال
::::::::::::::::::::::::::::::أقل شي تلقى الهذيلي فيه منها واحده

"الشعر" ولا "الرمي" ولا "السبق " فطرة ما تحال
::::::::::::::::::::::::::مثل الحكم في المملكة ورث الولد من والده

أولا بيض الله وجه الشاعر


وصح لسانه

وبيض الله وجهك أخوي / صاروخ هذيل


وسلمت يمينك


ولي عندك طلب أخوي


يا ليت إذا فيه إمكانية


تضيف أسم الشاعر


تقبل مروري

السلام عليكم ورحمة الله وبركاته.
شهر مبارك اخي العزيز ..

بكل أمانة قمة وإبداع وتميز لن اضيف فالكلمات أقل من القصيدة ..

ننتظر القادم ومثلما تفضل الأخوة كم تمنيت أن أعرف كاتب القصيدة..
ثلاث ملك هذيل ما تملك وتفلت بالريال
:أقل شي تلقى الهذيلي فيه منها واحده

"الشعر" ولا "الرمي" ولا "السبق " فطرة ما تحال
::::مثل الحكم في المملكة ورث الولد من والده

الله يبيض وجهك ووجه الشاعر.
لك تقديري..

قصيده رائعه من شاعر متكمن


و صح لسانه و بيض الله وجهه ووجهك اخوي صاروخ


و ليتك علمتنا من هو قائلها






تحياتي ,,,

وصح لسانه

قصــيدهـ أكــثر من راائـعه

صح لسانك ويعطيك العافيه على الطرح الممـيز ..

ليتنا نعرف قايلها ويسمع ردها

صح لسان قايلها

وبارك الله في ناقلها

لا هنت يالغالي

هذي هذيل ومنبر الكعبة وسجادة بلال
:::::::::::::::::::::::::::مثل الثلاث البيض في سلم العرب متعاهدة

صح لسانك وصح لسان قائلها وياليت اسم الشاعر وتقبل مني تحية واحترام000000000000000000000000000

السلام عليكم ورحمة الله وبركاته .
أخوي صاروخ هذيل ..
جزاك الله كل خير ..
ولكن لم تتابع مشاركة الأخوة ...ولكن إتضح أن القصيدة منقولة نشكر لك ذلك ..

وأتمنى على المشرف أن يغير عنوان القصيدة إن كانت خطأ ....(هاذي هذيل.)

تقديري ..

قصيدة قمة في الجمال والوصف والفخر صح الله لسان قايلها وياليت تذكر لنا صاحب القصيدة .

ومشكور ياخوي وبارك الله فيك .

الشعر" ولا "الرمي" ولا "السبق " فطرة ما تحال
::::::::::::::::::::::::::مثل الحكم في المملكة ورث الولد من والده


صح لسان قايلها وسلمت يد ناقلها

تسلم اخوي على النقل الاكثر من رائع