الناس..تمشي..عكس

[frame="1 50"]السلام عليكم ورحمة الله وبركاتة







[poem=font="traditional arabic,5,#8b0000,bold,normal" bkcolor="" bkimage="" border="none,1," type=2 line=0 align=center use=ex num="0,"]
تمنّي ياهجوسي والقصايد في حضورك شمس=لها روس النوآمي مقبله والنفس توّآقـه
بيوتٍ مالعب شاعرك فيه بين جهر وهمس=خطبها من مشاكيل الهجوس وجات منـساقه
تزاحم في خفوقـه قبل تحداها ضلوعه حبس=مهذبها على..الفعل الجميل وحشمة الفاقـه
يباها لابدت ماتندرق دون الثمان فخمـس=تونّس في صدور أهل الشعر وعقول ذوآقـه
يصرفها ضميرٍ لاعطى يعطي بطيبة نفس=نهل من منهل أهل العرف جلّ العلم ودقـاقه
تناحر حملته همة جمل خفه ضناه الدعس=يشوف الدرب قدامه طويل ولاثنى ساقـه
لوإنه ماربح فيما تعدى غير ضيّم وفحس=من صروف الزمان وكبرياء الحظ. وشقاقـه
إلينّه مافتر عزمه وجعل اليوم خير من أمس=تأمّل خير وأحسن ظن والريات خفاقـه
يبا العد القراح ولاطرآله بيعةٍ بالبخس=شرآ من حر ماله مااشهتت نفسه ومارآقـه
أنآ مابيني وبين المثايل والقوافي لبّـس=طرقت ابوب دور المعرفه والنفس عشّاقه
لوإني اشوف بعض الناس تلحس فالجهاله لحس=وأساير جهلها..بالصمت مالي فالجهل طاقـه
يعاتبني القلم مايدري إن الناس تمشي عكس=يبايفتح علينا باب نبلش دون مغلاقـه
وأنا سديت باب جروحي إللي ماتوالي اللمس=ومليت أنتظر مابين بوح السر وإدرآقـه
تعبت أببتسم إلى متى وأنآ ابتسم بالدس=أنا..ماني بغارس عود شوك ومنتظر باقــه
أبسجد شكر لادن الربيع وفاح عـطر الأنـس=وسكـن ضيم الزمان إللي معاي وحسن أخلاقــه
وبعدها ياسلام الله سلام من الحيا ملتبس=رعده الطيب لاأهل الطيب والمعروف براقه
سلام من العبيدي عد ماطاب النسيم ونس=وضحك وجه الربيع ومالت الاغصان مشتاقه
سلامي للرجال اللي لها الامجاد ماتنطمس=بني حسان للفعل المجمل دوم سباقه
رجالن فالمواقف تحمس قلوب الاعادي حمس=مزبنت الدخيل أهل الجميل وذروة اعناقه
بها التاريخ يسعد والقلم يشهد عليه الطرس=وأنا شاهد شهادة حق مايزعجني احقاقه
أنا شاعر حروفي ماتربت فالواقف خرس=ويزعجني الكلام إللي يسوق حروفه أنفاقه
تعلمنا الشدايد والليالي كل ليلة درس=وانا قاري فصـول كتابها ومحص اوراقه
والا يالطيب تبقى طيب أصبح في مراجك وأمس=ومن دونك رجالن كل باطل تنوي أزهاقه
حضرنا والدروب تفوح واقدام المطايا عبس=على وضح النقا واحلامنا ماهي بمنعاقه
حضرنا والسلام جذور وصدور الرجال الغرس=ذراها الطيب واسقاها الوفا من صافي اعماقه
تشوف اغصانها يلعب بها المعروف رُطـب ويبس=وتروح ريح زهر افعالها لافاحت اعباقــه
حضرنا والجميل أبقــى ونور اهل التحايا شمس=حضرنا والفضا ماضاق بنجومه وبآ فــآقــه
حضرنا والحضور أبهــا من الاجوا وحال الطقس=حضرنا يابيوت الطيب واصل الطيب وروآقــه
سلام الله عليكم طيب يجلى كل هم وعمس=مصرفه العبيدي طيب مخراجه وممراقه[/poem]
وسلامتكم[/frame]