طيــش الظــروف

السلام عليكم ورحمة الله وبركاته






[frame="1 50"][poem=font="traditional arabic,5,#144273,bold,normal" bkcolor="" bkimage="" border="none,1," type=2 line=0 align=center use=ex num="0,"]
العيـن مـن زود مآشافـت غـدت ماتـشـوف=ترخـي النظـر يآجميـل إلـيـا تـصـدر جمـيـل
وش حيلتي فيـك قلـي غيـر صفـق الكفـوف=وأنــآ أشـوفـك مـحـآل وتـمـر نخـلـي قلـيـل
يبقى الغزل في جنابك حسب طيش الظروف=وآحساس مثلـي معقّـل وش يسـوي العقّيـل
وصفـك تعـدآ الخـيـال ولاتفـيـه الـحـرووف=ودفاتري لو اصـف مثلك....تفيـض وتسيـل
اسأل عن الحـآل وأسمـع يآبديـع الوصـوف=وأرأف بـحـآلـي ليآجآوبـت..حـآلـي عـلـيـل
ولاتتـقـي سـخـط مثـلـي خــل قلـبـك رؤؤف=ومـدنـي كــان تـقــدر بـالـمـدد يـــأ أصـيــل
ولــدّ فيـنـي ونـآديـنـي ومـــش الـحـسـوف=وخذنـي ودور معـي فينـي ...جريـح وقتـيـل
أنــآ تحـديـت فيـنـي مرهـفـات الـسـيـووف=جـاهـل تـحــدا زمـانــه لـجــل ظـــلٍ ظـلـيـل
في وسط صدري تبـارت مذريـات الحتـوف=وأنــآ تربـيـت أبـقـى رغـــم أنـفــي نـبـيـل
تعبـت مـن زحمتـي ومهـاتـرات الـصـروف=وأيقنـت أنــي بـديـل لشـخـص مـالـه بـديـل
فيني غـدا النحس..قوة..والأمآنـي ضعـوف=صــرآع شـكـل مــن النـظـرة جلـيـلٌ ذلـيــل
تعـال لاتستحـي طــوف المعآلـيـق طــووف=وشآهـد بنفسـك وقـلـي وش مــلاذ الدخـيـل
انـا استحـي كـل مـا نــادو عـلـيّ الضـيـوف=مقدر على على ضيفة الطرقي ولالي حصيل
اتعبني الدهـر مـدري شـآب فينـي الوقـوف=مانـي بضـايـع !! لكـنـي مآعـرفـت السبـيـل
نبت على صدري الاجرد من الضيق خـوف=يوم إن عيني هـدر مـن دمعهـا صـوت سيـل
وهذا هو السر يوم ارخـي النظـر ياعطـوف=مـعـاد يبـقـى فصدري..غـيـر حفـنـة نخـيـل
عاشـت فبيـدآء شآعـر لافـه الدهـر لــووف=يـشـوف فعـيـونـه إن الـلـيـل يتـبـعـه لـيــل[/poem][/frame]
وسلامتكم

تحياتي