عطالله القارحي & فواز الهذلي ( مباشرة )

فواز الهذلي




مرحبا ترحيبة(ن) عبر الفضا نطلق رسنها
نبدي الترحيب واللي نضمره طيب النوايـا


العلـوم نعـدهـا والقـارحـي يعـطـي ثمنـهـا
شرهة الغالي على الغالين نوع من التحايـا


عطالله القارحي




البقا و اللـي علـى الموقـع قراهـا و احتضنهـا
خيـر مـا قدمـت يـا " فــواز " و النـيـه مطـايـا
"
المنيـحـه راح بـاقـي شحـمـهـا و اقـفــا لبـنـهـا
و احسب انك جزت عن دعوتك يا جزل العطايا



فواز الهذلي




جابك الله يا عـطالله دعوتـي ماجـوز عنهـا
انت غالي لو صروم الحق ميراد الضمايـا


المعانـي ملـح للملعـوب مايخلـف ضعنـهـا
والقلوب انظاف وازهمني ليا جات الحمايا




عطالله القارحي







البطايـق تشتغـل و اتوقفـت ماحـد شحنـهـا
ليش ما كلمتني قبـل الحـدث باربـع عشايـا
"
كيف لو جيتك بلا موعد وقلت افلت رسنها
و الكفايـه فيـك ومقدمـك مـقـدوم السـرايـا


فواز الهذلي




المعلـم مـر صدفـة والذبيحـة فـي صحنـهـا
والمعـزب قـال خلـك حيـد واصبـر للهدايـا


يوم انـا داخـل نطـاق الجاذبيـه رحـت منهـا
طمعتي فالذوب واثر الذوب موثوق الخلايا



عطالله القارحي




انت قسمك مع بني و الا فليت ان كنت منها
مالك الا مـا خـذاه الشـام لـن حـازت رعايـا
"
يا ولد عايش ترا عندك لحن مـا هـو لحنهـا
و الثمـر فـي العـود والعـارد تمتـع بالمزايـا


فواز






الله اكـبـر لاتـطـش هـذيـل وتـفـرق وطـنـهـا
شرهتي تاقف على القاضي وحكمه فالقضايا


يـا عـطالله كنـت هـاك الوقـت تامـر ثـم تنهـا
فكرتي فالقارحي يبغى على ربعه وصايا !!