الزين ماهو من شروط الرجوله

[poem=font="Arial,5,#000000,normal,normal" bkcolor="" bkimage="backgrounds/21.gif" border="none,1," type=0 line=0 align=center use=ex num="0,"]
قالت ترى مانت بحلو قلت رجال * * والزين ماهو من شروط الرجوله

الزين يلقى عند لباسة الشال * * والرجل زين ان كان زانت فعولة

قالت علامك تلبس شماغ وعقال * * انت بدوي قلت بدوي من حموله

ما البس بناطيل لها الوان واشكال * * وأمتر الشارع بعرضه وطوله

قالت اجل راعي معاميل ودلأل * * وشرب القهاوي تحسبونه بطوله

قلت اسمعيني وفهمي كل اٌلاقوال * * تمعني في كل حرف(ن) بقوله

كيفي يابنت الحضر دله وفنجال * * وحليب خلفه في المراح امعقوله

حب الكرم والجود وعلوم الابطال * * مغروس فينا من زمان الطفوله

قالت ترى بنت البدو حضها مال * * قلت اعقبي حذرى تكوني جهوله

بنت البدو يابنت مضرب للامثال * * غير الجمال وطاعه الله خجوله

زينه على كل المزايين تختال * * مثل القمر ينشاف ماحد(ن) يطوله

ماحطت اصباغ(ن)ولا حطت اضلال * * ولاسيرت في السوق سير امهبوله

ماتنخدع في كل ماكر ومحتال * * اللي لهم في السوق صوله وجوله

تحمى شرفها خوفت القيل والقال * * درب الدنس والشين ماهي بحوله

ريميت(ن) ماصادها كل ختال * * حتى من انسام الهبايب جفوله

هي مهرت(ن) تصعب على كل خيال * * وانتي ومثلك عسفهن بالسهوله

قالت تغزل بي وشف حبت الخال * * ناضر عيوني والرموش ال**وله

وانضر جديل(ن) فوق الامتان ميال * * ومبسم(ن) يعجبك تنضيم لوله

قلت العفو مايستوي زين وهبال * * واللي تبينه شي يصعب حصوله

قلتي وقلت وكلمت الحق تنقال * * الزين ماهو من شروط الرجوله[/poem]

قصيده الشاعر(مرزوق بن غازي المحمادي السلمي)

تقديري