بغداد للشاعر:حماد المطرفي الهذلي

[align=center]الكبت يوم تشوف شي ..وكن عينك ما تشـوف
والكبت يوم تحس شي ..ولا انـت قادرتنطــقـه

وتصير ميت حي ..واقف عالة ًبيـن الوقـــــوف
كذبه صحيح .. ولو يقول الصدق..ماحد ٍصدّقـه

ياصاحبي..مافالزمن طيّب..ولافـــــيـه امعـروف
وقتٍ يسوق الموت الاحمر مع رصاصة بنــدقـه

موتٍ يغولك..غول..لاطعنـة رمـاح ولاســيـوف
ويروح عمرك للأ لم مابيـن زفـره وشهـــــــقـه

كم لي..وانا اعانيك يالحرمان من حضن العطوف
كم لي..وانا والهم والغربال والحـرب حلــــــــقـه

أنا ادري انه مايعيش من الرجال إلا الضعـوف
والموت من حظ الشجيع اللـي يدينـه مطلــقـه

الله يابغداد..كـم للعلـم طافـك مـن يطـــــــوف
والله!!يالبصره..ياكم تبصـرك عيـن ٍ مغرقـه

والله!!يالكوفه..على شانك ياماتصفـق كفـوف
اليا حلا النـوم لعديـم الراي..منـزوع الثــــقـه

تبدلت عين المهـا والجسر..بعـــــيـون الخـروف
حتى الرصافه بالرصاصه .. واحمر الدمع ازرقه

يفداك يا أرض العراق الشامـخ اميـات وألـوف
ياكم تأملـت العـراق يكـون فعـلاً مــــــــــــحرقـه

لابنا العلوج..ابنا الخنازير..وخفافيـش الكهـوف
الخايبيـن السايـبـن الطغـمـه المســــــــــــتـرزقـه

حنا عرب ..وقت الشدايد مايـدق القلـب خـوف
وأعني ..عرب ذاك الزمان اللي لياله مشـرقـه

أيام .. ماكنا نعـرف الجبـن أنـواع وصنـــــوف
واليوم .. ناكل جبن أنواع .. وفطيـره ومرقـه

الله أكبر..يانداءالحق..يـاجـمـع الـصـفـوف
صفـاً علـى التوحيـد للعليـا يرفـرف بيرقـه

يا حلم..ترجيـه العيون..وحمل..تنفيـه الكتـوف
يالمسلـم العاقـل تأمّـل ..خـاف ربـك واتقــــــــه

يا من كتب شعر الغزل فـعيون نوف وخد نـوف
وين الغزل عني ..وانا والهم والحـرب حــلقـه

لا واحسايف!..وش يفيد من التوجد والحسوف
في موقف ٍ يورث بقلـب الحـر نـار ٍ تحرقــــــــه

اليا اصبحت حريـة الإنسـان تُحكـم بالظـروف
كنه بنى له عشره ادوار وسكن فـي صندقــه[/align]