الحد الجنوبي

[poem=font="simplified arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
لبيه ياالحد الجنوبي لفينا=بمدمرات صوتها يسبق الصوت
ورجال في وقت المواقف تبينا=بأرواحها وسلاحها تشتري الموت
من زمرة الحوثي قسم ماعلينا=حنا لهم لو طالت سنين ووقوت
حب الوطن يالنذل مزروع فينا=ياخاينا في حفرة الذل مكفوت
هذا البلد فيه الرسول الأمينا=رمله ذهب غالي وفضه وياقوت
هذا بلد مكه وطيبة نبينا=مايقربه مثلك مشتت وهلفوت
وشعبه سلالة صحبه الفاتحينا=في معركة مؤته وفي عين جالوت
يقودنا زيزوم منا وفينا=صقر العروبه بالشهامات منعوت
آمر يابو متعب وحنا يمينا=نقضي على الأنذال ونشوتهم شوت
وحنا ليا قلنا كلام وفينا=أما النصر وإلا نعوّد في تابوت[/poem]