لاتلحقيني ملامه

[poem=font=",6,blue,normal,italic" bkcolor="black" bkimage="" border="none,4," type=0 line=1 align=center use=ex num="0,black""]
أببتعد لاتلحقيني ملامه = انا هواي اكبر من إسنين عمرك
ماكل هامه تنثني دون هامه = يكون هامة رجل فالحب كبرك
بحط لك في وجه الايام شامه = ان ماتفيدك ماهقيت إبتضرك
عنوانها ماني من اهل الرخامه = اللي ليا جات الثقيلات يبرك
لاعراض خلق الله يزهب سهامه = معسول هرجه لانطق به يغرك
سِوِيد وجه ومابعلمه شهامه = على الرديه ياغبيه يجرك
انا اهذلي من قوم تهوى الزعامه = اليا عشق عشقه صدوقٍ يسرك
ماذل نفسه لو تقوم القيامه = فرقاً بعز ولا وصالٍ يطرك
وختامها يابنت ياأم اللثامه = اخذي الخبر ثم اخبري من يمرك
قولي يقول الشاعر (ابو خزامه) = بري الهوى ولا ترى مايبرك
[/poem]