الشيخ عائض يمدح هذيل.

[align=center]وهذا كان ردي على فضيلته
نيابةً عن هذيل والذي ذكره
في المقابلة التي أجريت معه
في قناة الساعة[/align]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أستعين الله ربي وهو نعم الوكيل=وأتنقّى زين الأبيات في بنيانها
مثل منهو ينتقي الزين من تمر النخيل=يشتريها مايهاب الغلا باثمانها
هيّض الهاجس قصيده من البحر الطويل=عن هذيل العبقريه وحلو لسانها
صدفةٍ حصلتها مير ياحلو الحصيل=نظم شيخٍ يتقن القافيه واوزانها
عايض القرني ولايجهله غير الهزيل=مايبا تعريف قمّه رفيعٍ شانها
ينظم ابياته على عرف وشعورٍ نبيل=والقصيده تبهر العقل من عنوانها
والله إنك نور يلمع كما برق المخيل=إن وطى ديره يعم الحيا باوطانها
راس بين الناس مرفوع والحسّاد ذيل=حاسدينك تاكل كفوفها باسنانها
أنت من مولاك في عز والحاسد ذليل=تحرقه ناره وتعميه من دخانها
إستخرت الله والله على خلقه كفيل=السما والأرض يطوي جميع أركانها
عادة الدنيا تقيل الذي مايستقيل=زودها ماهو معادل بعض نقصانها
عند رب الناس منصف عميلٍ من عميل=تظهر الحجه ويظهر لها برهانها
والله إن النفس تشتاق لك قبل الرحيل=كنت بعد الله على الخير خير أعوانها
إعطنا من وقتك الغالي الشيّ القليل=ساعةٍ تسلا بها الروح بين أخوانها
من جبال الكحل يكفي قليلٍ فوق ميل=تسكن الأنظار ويعود نور أعيانها[/poem]