إعدادات المئوية الهذلية.

[poem=font=",6,darkblue,bold,italic" bkcolor="transparent" bkimage="" border="none,4," type=0 line=1 align=center use=sp num="1,blue""]
بذكر الله بديناها قصيدة عن لسان هذيل=يسجلها لنا التاريخ والأجيال ترويها
هذيل الجَد يلحق في النسب عدنان وإسماعيل=وموطنها الحجاز بحاضر الدنيا وماضيها
حمت قلب الحجاز وصانته من قبل عام الفيل=لها في بير زمزم دلو تشرب به ويرويها
وفضلها الإمام الشافعي عن غيرها تفضيل=اخذ من شعرها السحر الحلال ومن قوافيها
هذيل اللي لغتها واردة في محكم التنزيل=في منطقها الفصاحة والبلاغة في معانيها
هذيل الشعر والديوان منها جيل يتبع جيل=مابين ابداع شاعرها وعاديها وراميها
وهم درع الحجاز وعسكر البارود مهما قيل=وهم قوم الثلاث البيض والقالات تحميها
ديرها من حدود الليث لين آخر جبال السيل=شفاها تهمها من ضلعها لاحد واديها
بنو فيها حصون العز وبيوت الكرم والهيل=وسال العجرفيه من لضيفانه يسويها
ولامال الزمان هذيل مامالت وكيف تميل=وهي في الوقت الاقشر نارها ماحد يصاليها
هذيل اهل الوفاء والمجد والتاريخ والتكميل=تعز اصحابها وتذل فالهجره معاديها
هذيل اهل الشهامه والفخر والعز والتبجيل=تصون إعهودها والصدق دايم في مباديها
هذيل اهل الفعل وافعولها ما تقبل التبديل=ما احد يقدر يغير فالبيوت وفي مبانيها
واهل رايه واهل حكمه تفصل علمها تفصيل=واهل نخوه ودون دخيلها ما احد ( ن ) يناصيها
حماة الدين واصحاب الرسول ويعسفون الخيل=صحابه ينشرون الدين معروفه بساميها
مساعير الحروب اليا درج وادي العُدا بالسيل=سيول اهذيل تجرفها عن اولها وتاليها
من اثعال القسيّ اللي ذبايب روسها نُحّيل=وترجع ظافره وامد سمه شُرّب هناديها
مَراقبها لِراقِبها على مآبد على كنثيل=على كبكب على قمة يسوم وما يواليها
نهار النقع في ساح الوغى كنه ظلام الليل=بريق اسيوفها في ظلمة الهيجاء يقديها
تروح اعزوم واترها تحت حافر عذاب الويل=وابو ضب الهذيلي راية افعاله معليها
دعاة المذهب العامر تفعّل جملته تفعيل=علوم الطيب لأهل الطيب تاخذها وتعطيها
على الدرب السويه سايرة ماتقبل التضليل=عن دروب الخطا والشاتله تقصر خطاويها
وهم مضرب مثل بتلاوة الآيات والترتيل=وإبن مسعود برهان لكاتبها وقاريها
هذيل اللي لها منزال مابين الجدي وسهيل=ملاحم سطرت بالفعل والتاريخ يحكيها
هذيل الأصل والعادات ماعن دلها تحويل=على طول الزمن يشهد مخاويها وعانيها
تقدر من يقدرها وفوق العائلين تعيل=وتخلف فالقاء قوم الهقاوي من هقاويها
لها تشهد بدر وحنين يوم الحرب والتنكيل=عيون خصومها برماحها فالحرب تعميها
هذيل لحالها تقدر تهزم الفرس وإسرائيل=ترد القدس لاهل الدين ويصلي مصليها
إكراماً يكرمون الضيف دايم بالشحم والحيل=ترحب بالضيوف ولا ندم منهو يخاويها
تكيل وتستكيل وطبعهم ما ينقصون الكيل=ما ينقص كيلها ما بين بايعها وشاريها
وهم درع الحجاز وقلبه النابض بلا تطبيل=حقايق واضحة ومثبته للناس نبديها
حقايق ثابته وموكده ماتقبل التأويل=مواقفها تشرفها وترفعها وتعليها
حمت مكة من اسهوم المعادي في نهار الميل=بعد جاها (ابرهه )في قوته غازي وناويها
تصدت له على (فيله) بعزم الفارس الحلحيل=الين الله بطيوره حمى مكه واهاليها
وكرمها اله لكون ترفع راية التهليل=بعد جاها رسول الله للإسلام يدعيها
اجابت دعوت الاسلام بعد اوحى بها جبريل=ولبت للنبي المصطفى طاعه لواليها
وقامت تنشر الدعوه ولارضيت لها التاجيل=تحارب من عصا والله على الدعوه مقويها
لها بصمات محسوبه تمثل مجدها تمثيل=لها تاريخ للحاضر يثبت فعل ماضيها
عزاتي فزعت المضهود ما ترضى له التمييل=لياقامت صفوف الحرب كم من نفس تنهيها
اقوله وافتخر علم الحقيقه مايبا تعديل=حقيقه ثابته للناس قاصيها ودانيها
ولي وقفه مع الشعر الاصيل .. اصحالها بالحيل = اعيّنها وابيّنها .. واثبّتها واثبّيها !!
ومن يجهل كلامي ..ينكتب مع صفّة الجهّيل = يسرحها صلاة الصبح والمغرب يضويها !!
ترى كل هذلي عنده على بيت الادب توكيل = حقيقه قلتها مانيب حاميها حراميها !!
اعدّ ابو المثلم .. فالادب وابو ذؤيب .. إن قيل = من اشعر شاعرٍ صفحاته الماضي مايطويها !!
وابن مستور عبد الله ..لياصهل بالقصيد اصهيل = هاذي عينٍ يكحلها وهاذي عين يعميها
تملكنا زمام الشعـر واصبـح للغـة تأصيـل=شهادة حـق مـن حسـان والحسـاد نهميهـا
وفي الهية سيوف هذيل لارواح العـدا نُشّيـل=تداويها من الشـر الزعـاف اللـي مباريهـا
ويوم ابليس طبل للروافـض واكثـر التعليـل=وكادت تهدم البيـت العتيـق بخبـث اياديهـا
غشاهم جيش كم كبل من احلام الطّغـا تكبيـل=وصاروا ( شت واشمت ) والقدم تغوى مواطيها
وظل النقع من خلف الاعادي يعلـن الترحيـل=بعَد جالت سيوف هذيل واروت كـل ظاميهـا
لنا التاريخ يشهد بالمواقع يوم حط وشيل=بعد ثارت بني يعرب على محتل اراضيها
بعد نادى المنادي ياهل الفزعات شدو الحيل=تزهل للمواجه عزوتا تدمي مراميها
سرو قوم الحرابه للحرابه وصملو تصميل=شغاميم تعقل رجولها طلقات اياديها
خذو مدفاع جيش الترك يوم ان الرصاص يحيل=يحيل اهل البدال الحمر يوم الموت حاديها
وشدوهم كما شد المطايا والعيون تخيل=وساقوهم كما سوق الرعيه عند راعيها
لنا بيض الكفوف إللي مجملها الوفا تجميل=سَمَت بالطيّب وأهل الطيب ماتُجحد مساعيها
هذيل اللي حكى عن باسها دجله وصدر النيل=كتايب عز ما خابت على الهيجا مجانيها
خذينا بالسيوف وبالرماح من الصدور أكليل=ترصع بالفخر وأمجادنا التاريخ باريها
نعم حنا ولاة أمر الفخر والراس ماهو ذيل=وتنبأك الليالي عن هذيل وعن عزاويها
تكلم يا فخر في ماقفٍ مايقبل التعطيل= دعتك هذيل قوم الأوله والعز لبِيّهـا
[/poem]

صح لسانك شاعرنا

عماد الهذلي
وبيض الله وجهك

الشاعر الذي بعده

مــــاجـــد السعـــيدي

من يوم غدا السبت ===23/6 ===السادسه مساء الى الاحدالسادسه مساء

ارجو الاطلاع على الجدول والشروط المرفقه له وعدم تسجيل مشاركتك الى بعد

بداية الموعد المحدد لك

اتمنى لك التوفيق والسداد