صنداح الزلامي والسيف الصقيل

صنداح الزلامي

يامرحبا ترحيبة ٍ تبقى على مر العصـور
فيها رموز اهل الوفاء والمعرفه عنوانهـا
ياخالد انته شاعر(ن) مافيك باس ولاقصور
اسرج هواجيسك وجيب من العلوم سمانها

السيف الصقيل

دام البقاء بك يالمرحب ما يجي فيها حصور
فيها رموز الطايله والطيب سـوق اثمانهـا
قيل الزلامي بني بيته ما يشابـه للقصـور
ومن فرها ياصاحبي يعرف جميع اسنانهـا

صنداح الزلامي

يالله عسى فيك الفرج والخير وتغوص البحور
عان المراجل ياوسيع العرف قدمـك عانهـا
وابن الزلامي ماعليه خلاف والعلم مخبـور
يعرف حيايا الـدار ذيـك وعافـن ديبانهـا

السيف الصقيل

الله يبارك فيك شوف النور يبدي لك بنور
والمرجله ورث" لجدي وقاضبين اعنانهـا
غير الزلامي ما يجي فيكم زلامي لف دور
والهرجه اللي فاقده برهان جب برهانهـا

صنداح الزلامي

الصقر ذاك اللي خلقه الله عذابٍ للصقور
روح ولو بعده صقورٍ رفرفت جنحانهـا
غير الزلامي فيه قوم الهم على الصفحة سطور
لكـن بـه قـومٍ مايخلـص باللقـاء ديانهـا

السيف الصقيل

هذاك حر" تعرفونه مـن طويليـن الشبـور
من لابت" وقت المداحـم طايـلات ايمانهـا
شاهد لنا خير البشر ما فيه غير الشور شور
ياكم عيون" تنكحل لامن رقـص شيطانهـا

صنداح الزلامي

بعده غديتو ياهذيل لجملة العالم جزور
الله يعوضكم بخير بسرها واعلانهـا
تريحو مابين شعبان البهيته والصخور
لاتقربون لسلعةٍ ماتملكـون اثمانهـا

السيف الصقيل

بعد غديتو ياعتابه بين هذيـك النمـور
ولا صرت هايب ياعميلي لاتجر الحانها
تريحو وقت البروده ما تطولون الزهور
في خندقك لين الدفى يضفي على ريعانها