أهداء الشاعر صالح بن رويجح للشيخ خالد اللحياني

نبارك للشيوخ اللي ترد الصاع بالصاعين
ومن جاء فالاوايل كنه الا جايب الكأسي

نبارك لك ياخالد ياشجيع ماغداك دين
ثبت وسمك وقسمك واشتهر مع كل الاجناسي

رفعت اسم القبيله يالهذيلي نعم في نعمين
وريحت القلوب اللي علاها هم وعماسي

ترانا ماتريحنا من الجمعه ليا الاثنين
قلوب اهل الحميه كنها تحمس بمحماسي

يقولون الحميه جاهليه والتعصب شين
ولكن اليا أمتحنك الخصم دوسه قبل تنداسي

لكن الصبر زين وفالمواقف تكسب الثنتين
تحمل زلة الجاهل وتصبح رافع الرأسي

صبر خالد على بطش المريض وكان صبره زين
رجاحة عقله الراسي رجع خصمه بالافﻷسي

تعبنا مع مجننا مجنن غيرنا صاحين
وش الحظ النحيس اللي ماجاب العقل متوأسي

هذيل هذيل ياهل المجد والتاريخ يالغالين
ماعاد ابها صبر حان الوعد والماقف القأسي

قبيلتنا بخير من اول الهجره ليا ذلحين
ولا نرضى يجي فديارنا لاجي وعسأسي

عسي شمل القبيله يجتمع ونبعد اللاجين
ويرجع ورثنا ﻷولادنا من كف الانجأسي

عقول الطيبين من الرجال تبين المخطين
وانا ماعاد ادور ناس لامني ولا ناسي

عسى ربي يبارك في هذيل اهل القسى واللين
مقابيس الوغى ضد العداء مزباننا الرأسي

يعيش ابو سعد واللي معه من ربعنا الوافين
وعاش اللي يكمل في طلبنا الحر قرناسي

هذاك اللي ليا جات الشدايد ياهذيل إيبين
ابو ركان وقفاته تشرف جيد الساسي

واختمها بذكر الله كريمن يهدي الغاوين
وصلو فوق سيدنا محمد هادي الناسي