خلط ديوان مطلق الثبيتي بديوان ابراهيم الشيخي

(( جمـر المحبـه )) .. لابراهيم

ـــــــــــــــــــــــــ ــــــــــــ

شمـوع ٍ وحـبـر ٍ واقــلام واوراق

واربع دموع وهمس واربـع زوايـا

حالة من النفسية وضيـق الاخـلاق

وامعـان فكـر وبعثـرة فالخفـايـا

كشف غموض النافذة بـرق الآفـاق

والريح سوت فـي الستايـر سوايـا

كتمتها لين ارهقـت قلبـي ارهـاق

واليوم فاضت من ضلوعـي سرايـا

صور من الماضي بها خاطري ضاق

كانت لهـا شاشـات عينـي مرايـا

مرت علي مـرور مبعـد ومشتـاق

وامعنـت فيهـا الا سجـل الخطايـا

ابكي من ايـامٍ بهـا هجـر وفـراق

واضحـك مـن ايـامٍ كثيـرة مزايـا

واوقف لرسم الحب في ساعة اشراق

واسترجع البـوم الصـور والهدايـا

عاشق ولاغيري على الارض عشاق

اعطي ولا اطلب من وليفـي عطايـا

بيني وبينه عهـد صـادق وميثـاق

مالـي شعـار الا بيـاض النـوايـا

ادمـح خطـاه وللمعاريـف سبـاق

وان ضاق رحـت ابـادره بالتحايـا

واللي حصل نصيب ماعـده اخفـاق

لـو كـان حملنـي حمـول الزرايـا

كم من سنه مسدل على الماضي رواق

وانـا جروحـي منـه ماهـي برايـا

لكـن ذكرنـي بهـا نـوض بـراق

اليـا بـرق ذكـرت هـاك الثنـايـا

جمر المحبـة لـو دفنتـه بالاعمـاق

لابـد يبقـى مـن وميضـه بقـايـا