تكفون تكفون تكفون يا ربعي هذيل

السلام عليكم ورحمة الله وبركاته

هذا الحدا

لوالدي الشاعر \ سالم بن ناجي بن مساعد بن دبيس المسعودي الهذلي


تكفون يا ربعي هذيل اهل سمو الطايلاتي

تاريخنا حافل بكل المجد وافعال الثباتي

نحتاج لم الشمل يا ربعي ويكفينا شتاتي

كل القبايل ترتفع وتعز ما ضيها القديم


وحنا ليوث الحرب ولسان العرب والموجباتي

قد هابنا تُبع واحبار اليهود المرجفاتي

يوم اقنعوه بهدم بيت الله خبيثين الصفاتي

وحنا جبرناه بكِسا الكعبه هذا الفخر المقيم


وحنا فككنا اسرى العرب من السجون المظلماتي

من النجاشي والخبر مثبوت ثبات الصلاتي

والجاهل اللي ما قرا معذور ماني له مواتي

والجاحد اللي يعلم ويجحد لعله فالجحيم


وحنا حمينا البيت من جيش الغزو بالمرهفاتي

والنبل ام سهام في صدور الفوارس ناشباتي

يوم الجنابي جاب جيشه القرمطي يبا الغناتي

صدوه ربعي بالرماح وكل بتاراً هميم


بالغزوه الأولى خسر الفين فارس والف حاتي

والثانيه سبعة الاف مقَرنين بالصفاتي

وفدامهم سبعين الف بعير وقنطار جنيهاتي

وشهودها ابي قبيس وبير زمزم والحطيم


هذا الفخر ما هو قتل مسلم على شان شوهاتي

ولا بعيراً تاخذونه والجزاء بعد المماتي

اهلكتم انفسكم بكثر المدح في هذي الصفاتي

وشلون تمدحون قاتل المظلوم او سلب النعيم


الغرض من هذا الحدا هو لم شمل قبيلة هذيل العريقه التي ملئت اخبارها الكتب الدينيه والتاريخيه والشعريه وهي القبيله الوحيده التي جُمعت اشعارها في كتاب من احد عشر جزءاً من القطع الكبير وشرح هذا الكتاب في اكثر من ثمانيه وثلاثون مجلد وطبع باللغه الفرنسيه سبع مرات وباللغه الالمانيه اربع مرات وباللغه الانكليزيه خمس مرات وفي مكتباتنا العربيه لا تكاد تجد نسخه واحد كامله