كم واحدٍ ينقز لها عشقة ويتركها ملل

السواط :








انته مجمّل والجميل الله ويحـب الجمـال
مشكور واللي ياخذ الاجره يحاسب بالعمل
ان كان لك عزم يٍطلعك العسير من الجبال
اللي يبا يشر على الوادي يعدي فالجبـل





المسعودي:






بكره صلاة الصبح ابا حط العمامه والعقال
لعلهـا اماجـات بالجمـال والابالجـمـل
كلٍ يقول الزين غالي والرخيص ابن حلال
والهرج بالمعنى وكثر الضحك يقفاه الزعل





السواط :






إليا نويت تحط مالك لايروح الا في مـال
كم واحد مٍن شين حظه راح يقتل وانقتل
إللي يبا درب الجميل يكون عنده وسع بال
ان كان ماصدقت علمي روح للعراف أسل





المسعودي:






أنا سواة الصير في هات الهلل وأخذ الريال
تحمد الله يوم تاخذلـك ريـالٍ فـي هلـل
وان دامت الدنيا طويلة شيبت روس الرجال
كم واحدٍ ينقز لها عشقـه ويتركهـا ملـل





السواط:






ياصير في كلٍ يبا يوفي ويكمـل فالكيـال
نعطيك في ريالك ريال وكل من يطلع ينزل
السيف لامنه بدا طابت لنا سـود الليـال
واليا بدانا نقضي اللازم ومطلبنا حصـل





المسعودي:






ياللي تسوق الزمل ورّدها على عـدٍ زلال
ما للعميلك لحية ترضا بقرن من البصـل
وأصحى تصلي فالمحارب لين يذن لك بلال
وليا سمعت بلال يذن روح للمحراب صـل






السواط:






الي يسوق الزمل له حيلـه وحيـلٍ واحتمـال
ماني بميت ياولـد مستـور تختلنـي ختـل
ضليت فالماضي تلـزم باليميـن وبالشمـال
واليوم صعبت ما انت لاقي ياوسيع العرف حل