جميل المطرفي ولو يحان التميمي

هذه محاورة بين الشاعرين لويحان التميمي وجميل المطرفي رحمهما الله اعجبتني
وانقلها لكم لعلها تحوز على رضاكم واستحسانكم:

يقول لويحان الازوري




انا ماشفت مثل هذيل واحد يقرش لعيـدان......لياجار الدهر قاموا على اليابس يحطبونه
وهم ماهم فقارا عندهم وعزى وبل وضان......عساهم بالزمان اللي يجيهم رافع قرونـه


قال جميل المطرفي



تمدح ياعميل الخير وانته قاصر الجنحان......ليا ماصبح مديد البدو ضوك ماتشبونـه
تحمد ربي اللي حت منك القمل والصيبان......بعد ظلا يسير في علو الثوب وردونـه



قال لويحان



عسى ربي يجينا بالمطر من رايح الامزان......على نجد العذا اللي مايجيها منتقل شونـه
ديار المرجلة ماهي كما ديرتك يالفقـران......واهلها يركبون الخيل والعايـل يضدونـه


قال جميل



ليا جاك المطر سالتضواحي نجد والشعبان......وقمتوا تقنصون الفار والضفدع تصيدونه
وحشت الورع والحرمةتلم الفقع فالزبلان......على المرقوق يالويحان لضيوفك تحطونه



قال لويحان



انا ماني سواتك يا جميل ابقنص الوبـران......ليا منه جحر فالغار عودتـوا تحفرونـه
واناثيكم يبيعون اللبن والغـزل واليدمـان......وتشريبه من الابطح وليتك جزت من دونه

قال جميل



ترى بيع اليديم اشرف من اللي يخرز لحذيان......يخرز السير من داخل ويجر السير بسنونـه
ترى بعض الصنايع ياعميلي دونها التركان......كما اللي يشرب الدخان واهل العلم ينهونـه



قال لويحان



تراني مستحي من شيخكم واللي حضر ما هان......لكنك ياولد حاسن تجـر الشـوك بغصونـه
اشوفك ياجميل مجود الخوصة كما السرقـان......وثوبك ثوب قوماني وبـه نـاس يعرفونـه

قال جميل



كلامك زين وانته زين يامطيبك يالويحـان......لكنك ياعميل الخير تنظـر كاحـل عيونـه
انا ماني سواتك فالقرايـا تنقـز الحيطـان......لياصاحوا عليك انحشت واهل الغرب يوكونه



قال لويحان



انا داخل على الله من كلام الزور والبهتان......نباهاطيبة والصبح كل راح في شطونـه
انا شايب واحب اللعب ياحاسن مع الشيبان......لكنك ليش ترسل فوقي اللي ينفض جنونه


قال جميل



اناعمي وعمك خادم للملـك والسلطـان......وابوي ابوي لامني حضرت اسد من دونه
ليا منك عدلت يجيك مني عدل فالميـزان......ليا عمت البحر تلقا رياجيـل يعومونـه


قال لويحان



كمنك ياولد حاسن قعدت الدرب فـي جدعـان......لمن هو حـج بيـت الله وربـك ماتخافونـه
ترى السارق ليا منه سرق يصلب على العمدان......يجره خادم ابـن سعـود والعسكـر يدفونـه


قال جميل



قعدت الدرب يوم انك تبات مع المرة طيان......واخذت ريال جمرك فوقكم وانتم تخبرونـه
ومولانا جمعنا لين سرنـا كلبونـا اخـوان......وطاك اللي وطاني والله اعطى الحكم مامونه



قال لويحان



علامك مانطحت البارق اللي جاء مع الريعان......علامك مانطحت البارق المفتـن تحربونـه
عطيتوا ضلع كبكب تنقلون الزاد والورعـان......تبون الجيد اللـي كـان اهاليكـم يعبدونـه



قال جميل



علامك ماحربت الباشه اللي قبلـه العثمـان......يسيـر فـي عنيـزه تنكـره والا تقرونـه
نصيحة لاتعرض لامر من هو كل يوم بشان......وحنـا ماعبدنـا غيـر معبـود تعبدونـه


وسلامتكم