رثاء شالح ابن هدلاان لاخيه

--------------------------------------------------------------------------------





أمس الضحى عديت روس الطويلات
وهيضت في راس الحجا ما طرا لي
وتسابقن دمـوع عينـي غزيـرات
وصفقت بالكـف اليمـن الشمالـي
وجريب من خافي المعاليـق ونـات
والقلب من بيـن الصناديـق جالـي
وأخوي ياللي يم قـارة خفـا فـات
من عاد عقبـه بيستـر خمالـي ؟!
ليته كفانـي سـو بقعـا ولا مـات
وأنـا كفيـت سـو قبـر هيـالـي
وليته مع الحيين راعـي الجمـالات
وأنا فداً لـه مـن غبـون اللياللـي
وأخوي ياللي يوم الأخـوان فـلات
من خلقته ما قال : ذا لـك وذا لـي
تبكيه هجن تالـي الليـل عجـلات
ترقب وعدها يـوم غـاب الهلالـي
وتبكي على شوفـه بنـي عفيفـات
من عقـب فقـده حرمـن الدلالـي
عوق العديم إن جا نهـار المثـارات
والخيل من حسـه يجيهـن جفالـي