محاوره ساخنه على الما سنجر

السلام عليكم ورحمة الله وبركاته

هذه محاوره جرت بيني وبين الزميل والشاعر المعروف / سلمان الرشيدي وهو إبن عم ثنيان الشمري

المتأهل إلى المرحله القادمه من شاعر المليون ، وقد كانت المحاوره على الماسنجر

عابد الهذلي :

سلامي فوق سلمان الرشيدي والهدف سلمان
نبا نأصل لسلمان الرشيدي واسر يا ساري
سبقنــا من يدوّرنا وهاذي عادة الهـــذلان
رجال الأوّله دايم تزيدي واسر يا ساري

سلمان الرشيدي :

سلامك فوق والاّ تحت مالي في سلامك شأن
ولا يرفع ولا ينقص رصيدي واسر يا ساري
أنا ماني بخابرلي سبوق الاّ أصفر السيقان
وأثرغيره عرب ماهو وحيدي واسر يا ساري

عابد الهذلي :

كبيره يالرشيدي مار طعني عوّذ الشيطان
رصيدك للعرب ماهو مفيدي واسر يا ساري
أبو سيقان صفر اليوم جاله كافخ الجنحان
يبا يرميه ويظلّــي فقيدي واسر يا ساري

سلمان الرشيدي :

مساء يوم الثلوث تركب الحبّه على النيشان
عساك إتعرف قصدي من قصيدي واسر يا ساري
مسافات الطريق تبيّن الفاضي من المليان
وانا صدري وراء الضلع الحديدي واسر يا ساري

عابد الهذلي :

مساء يوم الثلوث إنقــرّب الحبّه من الحجّـان
وتدفا لو إبك برد(ن) شديدي واسر يا ساري
ليا منّي بنيت البيت أصير مجوّد السيســان
ونلعن كل شيطان(ن) مريدي واسر يا ساري

سلمان الرشيدي :

عسى ربي يبارك فيك سلّم لي على غسّان
وقلّه حق دمي في وريدي واسر يا ساري


وسلامتكـــم