ماطراك ولاانت ناوي
[poem=font="Arial,5,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
وعد مثل المواعيد القديمه=منت والله حريص ولاشفاوي
طعت قوم الحسد واهل النميمه=لين غروك واخلفت الهقاوي
كلما جوك حطوني وليمه=جاك في غيبتي طابخ وشاوي
عالم اهل الحسد مافيه شيمه=يامصدق مخيبة الرجاوي
مير مادمت راضي بالظليمه=فانت مرتاح وإلا انا شقاوي
مااقدر انساك يامال الغنيمه=وانت قلبك على النسيان قاوي
جيت ابنساك خانتني العزيمه=طيّب القلب مايرجع قساوي
معترف بالخساره والهزيمه=مابقالي حقوق ولادعاوي
عقب فرقاك ماللعمر قيمه=عايشٍ بالوطن مثل الجلاوي
التعابير والصوره مقيمه=لكن القلب وشعوره نحاوي
قلب لك في معاليقه وسيمه=جرحك اللي عجز عنه المداوي
في الحشا لك مداهيلٍ عظيمه=كنت تمرح بها سارح وضاوي
يوم كانت مرابع مستديمه=ثم خليتها قفرٍ خلاوي
مابها عقب فرقاك الأليمه=غير ريحٍ تون وذيب عاوي
كلما بشّر الوسمي بديمه=في حراويك فزت للحراوي
واعشبت كلها حتى الهشيمه=عوّدت مورقه والعود راوي
والحرواي تمر مرور غيمه=عقبها يرجع الوادي سناوي
وانت توعد مواعيدٍ عقيمه=والوفا ماطراك ولاانت ناوي[/poem]
التوقيع |
[frame="13 80"][poem=font="Traditional Arabic,5,#030000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يابو نايف طاحت ابراج التجاره=ماتصدق لو عرفت اللي دمرها
بعدما كانت من رموز الحضاره=إنتهت ماعاد باقي غير اثرها
زرتها لاعادها الله من زياره=يوم انا جاهل وغرتني صورها
مادريت إن الرجا فيها خساره=لين طاحت فوق راس اللي عمرها
علّم اللي مقصده يبني عماره=وإنصحه يترك حجرها في ديرها
لايورّد من حجارتها حجاره=مايعمّر في الديار إلا حجرها[/poem][/frame] |
|