&& تغطية المرحلة الثانيه من شاعر المليون &&

الشاعر عيضه السفياني الثقفي


قالوا عنه :
من سواهـ يطلق الكلمه خارج الأقواس هو / شاعر الكلام البكر , لاتنفجر المفردهـ عن قيد المألوف والسطر الاوخلفها شاعر مبتكر/ مقتدر /منحدر الى أعلى الفضاءات وليس العكس !

الشاعرمحمد الوسمي يقول في قصيدته :
يمكن ولو ماجابنا حب الشعر ** غلا ثقـيف وحب عيضه جابنا
حتى ولو درب النصر صعب ووعر ** لامن سعيناله يحسب حسابنا
عشان عيضه مابنسأل عن سعر ** حنا لعيضه لو نبيع ثيابنا

الشاعر محمد الأسمري يقول في قصيدته :
وجه عيضه .. ملامح نرجسي الـــورق ** ايتشــــــــكل مع أبعــادهـ ويســـــــتوعبه
وجه عيضه .. ملامح بارق لو برق ** أعشـــبت به دفـــــــــاتر فكرنا المجدبــــــــة

****************************

الشاعر خلف بن محمد بن مشعان العنزي



لعيون نوت وغلاة مويس
........................غير انطح الليل وأسريبه

يكرم قصيدي عن التمقيس
......................ويحشم جنابي عن العيبه

البيرق الي مع ابن فطيس
.......................ماني خلف كان ماجيبه

شاعركبير ومن المرشحين بقوه للبيرق
لقب في بدايته (( بشبل الشظايا ))
الشعر في شرعي فكر .. والفكر بالشرع الاصيل
نهج العقول الناضجه والعاقلين أدرى بها
مو شرط من يكتب شعر يدري عن بحور الخليل
اللي يداوي علتك لا تبلشه بأسبابها
احد(ن) على الحنده حدا .. وحد(ن) على الشله يشيل
كلن على ما يكرب بيوته يمس اطنابها
على سبيل اهل المثل ماني مثل اهل السبيل
اللي معاني حضورها تشبه معاني غيابها
لا غبت جبت وعادتي لا غبت مارجع بالهزيل
ان جبت اجيب اللي محد قبلي بالشعر جابها
تعشقني الفكره بكر .. واسبق لها الوزن الثقيل
اللي بنات افكارهم مبطي رميت حجابها

************************
الشاعر بدر بن سعد بن خرفاش السبيعي



موهبة قادمة في الساحة أثنوا عليه النقاد وراهنوا على نجاحه ..III
شاعر جزل ولد شاعر ..III

تداعي ياهجوس الشعر لامنه دعاك الداع ** كنوز مملكتها في الحشا مانيب خازنها
أجمل لابتي فالمحتضر بالجزل والابداع ** عقود الدر واللولو من الأفكار اكونها
اعيف السهل واعشق كل قاف لادعي ماطاع ** وأجيب المفردات الي تسلي من تمعنها
طرات الشعر معنى مبتكر تطرب له الأسماع ** تسج الناس معه من الظروف اللي تزامنها
وبعد شبه انقراض جزل القصيد الحر بالجماع ** وأراضيه أجدبت واعيونها غارت بباطنها
ولاعاد امطرت بالماء سماه وخابت الأرماع ** بعثها اموات الأشعار الجزيله من مكامنها

**************************
الشاعر صالح بن سالم آل مانعه المري



خليفة ابن فطيس شاعر بمعنى الكلمة يملك إحساس وخلق ..III

((الحب النزيه ))

اللي موردني علـى حـوض الهـلاك**جعـل المصايـب كلبيهـا ماتجـيـه
العاقـل الفاقـه عنـيـد الأحتـكـاك**مـدلـعٍ خلـقـه ولكـنـه نبـيـه
يـارب صخـر لـه دواك يضـد داك**واستر على وجهه من عيون السفيه
غرٍ جمالـه يبعـد همومـي هنـااااك**جمال وجهه غير عـن كـل الوجيـه
شفته على غفله واحسب انه مـلاااك**ونشبت عيوني فيـه تبغـى ترتويـه
قلت السلاام, بنبـرةٍ فيهـا ارتبـاك**رد السـلام وضحكتـه تغلـب عليـه
قال انت عاقل؟ قلت لين الحق مـداك**من يوم شفتك والعمر يقصـر مديـه
قال انت صاحي؟ قلت جننـي حكـاك **كلامك الـذرب الحكيـم امـوت فيـه
قال انت فاقد؟ قلت مقصـودي معـاك**وللحين ماجبت السـؤال اللـي ابيـه
قال ايش قصدك؟ قلت خلاقك عطـاك**عقل وذكاء وانا سؤالي لـك وجيـه
قال انت هايم؟ قلت ذابحنـي غـلاك**لوك سئلت مـن البدايـه قلـت ايـه
قال احسب ان لأول بيبحث لي خفـاك**الين جيت اخر سـؤال وتهـت فيـه
وعرفت فيك الشاعر اللـي ماسـواك**يميـل لـه قلبـي ويعشـق راحتيـه

*********************

طبعا طريقة التأهل 50% من اللجنه و 50% تصويت الجمهور

تمنياتنا للشعراء بالتوفيق

*********************
من تتوقعون يحصل على اعلى نسبه من اللجنه؟؟
من تتوقعون يتاهل ومن يحصل على بطاقه الفرصه الثانيه؟؟