سيفي بغمده والبواريد مركات ()() والقاف جاهز والقلم والقراطيس ( التميمي ) ..

[poem=font="Arial,5,#ff0000,bold,normal" bkcolor="" bkimage="" border="double,4,#00008b" type=1 line=0 align=center use=ex num="0,"]
ياواحدٍ ماعنك سر وخفيات=تسمع دبيب النمل وسط الخراميس
يا الله دخيلك عن دروب الدنيات=والمطرسه والخثرقه والبرابيس
ومن بعد ذا ياهل القلوب النظيفات=يالعارفه ياكاسبين النواميس
الله خلق وعقول خلقه مقاسات=والهرج له وزن ومقام ومقاييس
اخبولكم لايقطعون الاشارات=وجهيلكم لايبعدون المراميس
ماودي ادخل ياعرب في متاهات=انفث يساري واتعوذ من ابليس
ماني من اللي يكشفون المغطاة=ولا اقص اثر شخصٍ محته النسانيس
سيفي بغمده والبواريد مركات=والقاف جاهز والقلم والقراطيس
تاريخنا ماهو سوالف ولجات=وزورٍ وبهتانٍ وزيفٍ وتدليس
تاريخنا عند العرب والخواجات=في مكتبة لندن وروما وباريس
ولا لحقنا فيه ريبٍ وشكات=يوم ان بعض الناس لحقه وسوايس
وقولوا لشاعركم عديم المروات=ابعد عن علوم الدنس واللواليس
يالكلب الاسود خل عنك المهاتات=وذم الحمايل ياعديم الاحاسيس
تمغط رقبتك بالرخا مع عربسات=وعند الشدايد تدفنه بالطعاميس
احسب حساب الناس وامسك بريكات=من داس عرض الناس لابد ماديس
والا يمين الله رب السموات=لا اعلمك قدرك وادرسك تدريس
و اضحك على دقنك وادربيك دربات=وابرقعك والبسك بشت عريس
وانتف هدب عينك واعريك تعراة=واودع لياليك السعيده كوابيس
وان كان في كبدك مراره وحسرات=وحقدٍ دفين وخبث نفس وهواجيس
ماعندنا لك غير ميسم وعرقات=سمعورةٍ تصلاك صلي المحاميس
يالبربري عوّد ترا ضلع ابانات=راسي ولاهمه كلام الهداريس
والكذب خيبه في جميع الديانات=من عهد ابونا آدم ولقمان وادريس
الكذب ماحط المماليك سادات=ولاحط سرج الخيل فوق الجواميس
والذيب لو ذموه ماتفرسه شاة=والمدح ماخلا الحباري قرانيس
ضو القمر غطا النجوم المطلات=والشمس لابانت تموت الفوانيس
درب الردى كله عقارب وحيات=سماه نار وعار وارضه دبابيس
وصلوا على المبعوث راع الشفاعات=ماعاد عيد وعدّ مازرفلن عيس[/poem]









الشاعر الكبير : خليل الشبرمي التميمي .