مذهبي

بالقلم أكتب وسجل من ضميـري ما يلـي
_____________ ___ من ضمير مايقول ولا يعـد الا الصحيـح
اكتب ابيوت الشعر ورقى بها ويحق لـي
________________من مصادرخافقي ينطق بها السان ٍ فصيح
أتصـور وتخيـل كـل ماهـو داخـلـي
__________________وانثره فوق الورق واتركه ورد ٍ وشيـح
واقعي واقع حياة انسان عايش مشكلـي
________________من همومه كل عضو بداخله ينزف جريح
وفوق هـذا كـل هـذا بالمحبـه مبتلـي
_________________والمشاكل كلها قامت على راسـه تطيـح
شكلوها شلة اهل الفسد واهـل الباطلـي
__________________كم مره حاولوا في زاحتـه عيـا يزيـح
ون حاولوا مهما ومهما حاولوا مايحصلـي
_________________ واقف ٍ شامخ وراسي ماتهزه كـل ريـح
صامد ٍ مثل الجبال وحد سيفـي يصقلـي
_____________ __ ماحسبت حساب للي كل ماصاحوا يصيح
ماعليه في الطبـول الفارغـه وش تطبلـي
________________ مادخلت ولا خرجت الامع الباب الفسيـح
ولامشيت الا وعارف وين آطى برجلـي
___________________حافظٍ نفسـي وليـه سـد والله مايبيـح
بالرجوله والشجاعه والشهامـه معتلـي
_________________ رافع ً نفسي عن المنقود والفعل القبيـح
ماربيت الا كريـم ٍ دوم نـاري تشعلـي
_________________ماربيت مع البخيل اللي قـدوره ماتفيـح
ولا تقلدت القلايـد والاسـاور والحلـي
_________________مذهبي ملة محمد مامشيـت مـع المسيـح
مامشيت الابعز وعز عـزي مـن هلـي
_________________والله اللي عزني وعطاني العز المريح
الله اللي عزني مال احد فضلٍ علّي
_________________ولايغير نظرتي كثر المجامـل والمديـح
ومن يبا يمشي ويتعب لجل ياصل منزلي
__________________بلغـه منـي تحياتـي وقولـه يستـريـح