تقدم ياصــالح وإرفع الراس

مشـــاركتي في حفل
( فارس الصحراء )

[poem=font="Arial,6,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
مع البن الأشقر مابه عماس=وزاد النجور من المحاميس
ليا بهرت رسلان بقياس=وفاحت مع براد النسانيس
لها بنةٍ تزكي بالأنفاس=وتلعب بدولاب الهواجيس
تجيك القصايد در والماس=تهز المشاعر والأحاسيس
ويبقى القصيد شعور وإحساس=خيالات واحلام وكوابيس
ليا صاغها الشاعر بهوجاس=وقرب لها اقلام وكراريس
لو القلب له قفلٍ وترباس=يفك الهموم اللي محابيس
وقلبي معك ياطير قرناس=وابنخاك ياذخر القرانيس
تقدم ياصالح وإرفع الراس=مكانك مهو خلف الكواليس
مكانك معانق قب الأفراس=الأعمام والأخوال فريس
ومثلك مرشح ياخذ الكاس=ليا دقت اجراس ونواقيس
واذكرك في شاعر بني ياس=له الفخر وبكل المقاييس
طلع مثل نور الشمس نبراس=وغطى على نور الفوانيس
ولك عزوةٍ من خيرة الناس=قبيلة هذيل اهل النواميس
قبيله لها بالمعرفة ساس=وتشهد لها كل القواميس
وفي الحرب اهل قوة واهل باس=مناجيبهم من خيرة العيس
ليا درهمت والناس غطاس=سواة الذياب مع الغطاليس
وكم داهمت جيشٍ وحراس=ودكت عل القوم المتاريس
لنا مدفع الأتراك نوماس=كسبناه واعدانا مفاليس
وانا اليوم اقول الوضع حساس=نجاح العمل يحتاج تأسيس
نبا وقفةٍ من كل الأخماس=ومن لايدوس الكايده دِيس
مهي وقفة كليبٍ وجساس=بني عم والغايه متاعيس
وعلى المصطفى ماهب نسناس=اصلى صلاةٍ تخزي إبليس[/poem]