>>..قصة حياة..<<

قصة حياة
جتني ظروف للكدر مستعده
قامت تحدد لي الأحزان ميعاد
مرة مع حظي ومرات ضده
واليا تكدر خاطر القلب تزداد
في دنية خلقت على الناس نده
مردودها للخير تجرح و اجهاد
إتجي على المظلوم وتبيح سده
واتجي على الظالم تساهيل وإمداد
والصدق فيها ما لقى من يعده
والكذب يلقى له مع الناس شهاد
واللي فقد حق عجز يسترده
يصبح على تسديدة الدين معتاد
ومسكين من راد الزمن يستبده
عيت عليه أقدار الأيام تنقاد
تطرح به الدنيا على القاع مده
مثل الفريسة والمقادير صياد
ضاعت حياته في لحاف ومخده
عدت عليه أيام بغفول ورقاد
وماله عن دروب الوعر من يصده
ولا هو عن دروب السلامات نشاد
تلطمه موجات القدر فوق خده
وتخطي به الخطوة من بلاد لبلاد
حبله قريب وعاجز لا يشده
يحسب جميع الناس قاصين وبعاد
عاند حياته لو حياته تحده
وادى سنينه كلها عناد بعناد
إصحى من الغفلة ترى العمر حده
للوقت ساعاته وللموت ميعاد
وهذي هي الدنيا تجي مستجده
تلقا بها المازح وتلقا بها الجاد
قصة حياة ومننا مستمدة
ويلزمها تنفيذ وإخراج وإعداد
عشنا على كف القدر فوق يده
الله خلقنا عباد ونفني له عباد
ولا حاصل للحي ما كان وده
ولا حاصل للي يموتون ميلاد
ويكفيني إني من ظلوه الموده
ومالي مع الخسران بالدين مقعاد
وإن جتني الغفلة علي أوقات شدة
أصبح لها صداد والقلب صداد
وتقدير ربي مالنا في مرده
ومعارض