موسوعه مختاره

إعــداد/
حــســن بــركــات بــريــك الــســويــهــري الــهــذلــي

حكم من ذهب.

كلمات شعبيه.

من ذاكرة التاريخ.

بدع و ردود.

حكم من ذهب/

إذا ما اراد الله إهلاك نملة - سمت بجناحيها إلى الجو تصعد
----------------------------------------
لعمري ماضاقت بلاد(ن) بأهلها - ولكن اخلاق الرجال تضيق
----------------------------------------
يقول الشاعر / رشيد الزلامي
اول حياة الفتى مشوار وعساسـه - مسيرة(ن) في عجاج الوقت يقطعهـا
وثاني حياة الفتى تدريـب ودراسـه - تكثر هموم الحياة وينشغـل معهـا
وثالث حياة الفتى يرجع على ساسه - النقطة اللي بـدا منهـا يراجعهـا
ياصل لسن الهرم ويضيع الطاسـه - يزحف على الارض ويخطط شوارعها
اليا تلاقت كتوفه وانحنـى راسـه - ضاعت جميع العلوم اللي مجمعهـا
----------------------------------------
سأل بعض الشباب طفلاً: أين طريق السينما؟ فنظر إليهم ثم قال: هذه الطريق توصلكم للسينما وهذه الطريق توصلكم للمسجد.
----------------------------------------
ان كان مالك من ذراعك نجدة - شربك على ايدين الرجال هماج
----------------------------------------
المراجـل مـا تهيـاهالسويـا - كود من عض النواجذ في سنونه
----------------------------------------
لا تأخذ الدنيا خراص وهقوات - يقطعك من نقل الصميل البرادي
----------------------------------------
عتبت على عمرو فلما تركته - وجربت اقواما بكيت على عمرو
----------------------------------------
إن كنت لا تدري فتلك مصيبة(ن) - وان كنت تدري فالمصيبة اعظم


كلمات شعبية/

الصميل:
جلد يدبغ ويوضع فيه الماء أو الحليب

الحشف :
التمر الناشف الردئ

الخلوج:
وتعني الناقة التي مات ولدها مؤخرا وتظل تحن باستمرار بحثا عنه

البو:
جلد حوار الناقة يحشى بالتبن ليوهموا الناقة أن حوارها لم يمت

ارجهن:
اطمئن

داله:
سالي أو ناسي

قازي :
لم يأتيه النوم ويكون قلق ومتوتر

شغموم:
رجل يعتمد عليه ويفي باللزوم

حرن:
توقف عن السير وتطلق على الدابة اذا توقفت عن المشي

يخرص:
يقدر الشيء أو يخمن

كاميها:
حفظها في سره ولم يخبر بها أحد

الجامكية:
الشئ المخصص الذي يأخذه الشخص آخر الشهر كالراتب

الدرس :
فصل القمح أو الشعير عن سيقانه بواسطة الدواب

الدوم :
شجر يشبه النخيل

من ذاكرة التاريخ/
الشاعر:
محمد الأحمد السديري
فتـى بـلا عـزم حياتـه مذلـة - والعزم لقلـوب الرجـال طبيـب

ومن لا صبر بالعسر ما ذاق يسرها - وباب الفرج للصابريـن قريـب
ـــــــــــــــــــــــــ ـــــــــــــــ
الشاعر:
عبدالله بن سجوان الرويس
يا دحيم ريضان الجماعة مريفـه - واللي مع الأجناب كنه على نار

الطير بالجنحان ما أحلا رفيفـه - وليا إنكسر حدا الجناحين ما طار

ويمنى بلا يسرى تراها ضعيفـه - ورجل بلا ربع على الغبن صبار
ـــــــــــــــــــــــــ ـــــــــــــــ
الشاعر:
محمد المهادي رحمه الله الأجواد وإن قاربتهم مـا تملهـم - والأنذال وإن قاربتها عفت ما بها

الأجواد وإن قالوا حديث وفوا بـه - والأنذال منطوق الحكايا كذابهـا

الأجواد صندوقين مسك وعنبـر - ليا فتحت أبوابها جاك مـا بهـا

والأنذال لو غسلوا ايديهم تنجست - نجاسة قلوب ما يفيد الدواء بهـا

محمد المهادي رحمه الله
ـــــــــــــــــــــــــ ـــــــــــــــ
الشاعر:
عبدالله بـن عـون
يامل قلب(ن) يسج وفيه دولاجه - من واهج(ن) بالضماير قام يدرجها

في معزل(ن) عن جميع الخلق وازعاجه - ما اسمع من الناس لوتكثر لجايجها

ماغير اهوجس تقول مضيع(ن) حاجة - واخذ واسند على روحي واهرجها

وادوج لوكان مارجلي بدواجه -ادله النفس لين الله يفرجها

يالله ياللي بيدك الضيق وافراجه - يامفرج النفس ياقاضي حوايجها

افرج لعين(ن) ليا غطت بسوهاجه - تسري عليها الطواري ين تزعجها
ـــــــــــــــــــــــــ ـــــــــــــــ
الشاعر:
شالح بن هدلان
من حل دار النـاس حلـوا ديـاره - لابـد مـا تسكـن ديـاره ويغبـن

ومن شق ستر الناس شقوا ستـاره - ومن ضحك بالثرمان يضحك بلا سن
ـــــــــــــــــــــــــ ـــــــــــــــ
الشاعر:
خلف أبوزويد الشمري
الحمـرة تـدرك معوشـة عياله - وإلا الرجل يبغى منه بعض الأحوال
ـــــــــــــــــــــــــ ـــــــــــــــ
الشاعر:
عبدالله العير رحمه الله

خلوني ارقد في مداهيل جراح - واحط لي وسط الطريق استراحة

أذني ادله تالي الوقت وارتاح - لو كان مافيه جور الايام راحة

بدع وردود/

البدع: حبيب العازمي

سلام الله سلام(ن) فيه حذف وكتف يامستور - وفيه من العلوم اللي تخصك وانت خابرها

الرد:مستور العصيمي

انا ماقلت لك سلم عليه ياعديم الشور - علومك ياحبيب كلها عندي مصادرها
ـــــــــــــــــــــــــ ـــــــــــــــ
البدع :مسعود العصيمي

مرحبا دون ربع تكمل الماجوب - من هجوس حنين الشوق يدفعها

الزلامي قرينا خطه المكتوب - مير مدري حروفه كيف جمعها

الرد: رشيد الزلامي

البقا والبقا بالشاعر الموهوب - شفت ناره على دربي مولعها

يالعتيبي ترانا مانشق الثوب - مير قرط على كلمتك وابلعها
ـــــــــــــــــــــــــ ـــــــــــــــ
البدع: تركي السلمي

ياحبيب ليت بهجت تصالح مع بجيه - قبل يدعى للسحابة ويكبر سيلها

الرد :حبيب العازمي

انته أمر(ن) مايخصك وش مدخلك فيه - السحابه وصلت طويق وانت تخيلها
ـــــــــــــــــــــــــ ـــــــــــــــ
البدع:علي الهجلة

السحيمي لو يموت يموت ثلثين الحروبي - مايظلي حي غير اللي مافي راسه حماسة

الرد:صياف الحربي

انت لو تموت من زود الزعل شقيت ثوبي - مانبيك تموت والطلاب في نص الدراسة
ـــــــــــــــــــــــــ ـــــــــــــــ
البدع:الجبرتي

منول يالمطيري ما تعرف الورد والتفاح - وهالحينه معلمك المعلم فوق ابوصرة

الرد: فيحان القعياني

ابوصرة طعامك يوم اهلك الطيبين شحاح - لعله بالهنا يالعود اكل خيره واكل شره
ـــــــــــــــــــــــــ ـــــــــــــــ
البدع: رشيد الزلامي

عسى ربي يعز الشمعه اللي نورها وهاج - ويعين اللي من البحر الحمر مدلك ماصورة

الرد: محمد السناني

نقول الله يديم اللي وجوده فالليال سراج - يسدد عنك فاتورة ويلغي عنك فاتورة
ـــــــــــــــــــــــــ ـــــــــــــــ
البدع:مطلق الثبيتي

حنا نولعها على روس الشياطين - في المدعى والا في وسط الجودرية

الرد:عمر الخالدي

وعلتموها واحرقت منكم ثمانين - واللي بقي مابين شمس وبين فيه
ـــــــــــــــــــــــــ ـــــــــــــــ
شاعر من قبيلة حرب :

انا بطني كبير وياسع الرجال عرض وطول - لك الله ما تجي لي نصف لقمة يا دخيل الله

دخيل الله القعياني :

تراني سم ساعة وان بلعت السم كيف تقول - ذبحك السم في بطنك ومت ولا رحمك الله
ـــــــــــــــــــــــــ ـــــــــــــــ
البدع:ابومشعاب

بغيت اقرب من الجنة وعيا صاحبي مستور - يحامي دونها ماكنه الا من قرايبها

الرد:مستور العصيمي

تبا تقرب من الجنة وتقرب من بنات الحور - لكن العين فيها يالبقيلي لا تلد ابها
ـــــــــــــــــــــــــ ـــــــــــــــ
البدع:مطلق الثبيتي

ياسلام الله سلام(ن) على روس الرجال - كسوة(ن) تضفي على روسها وامتونها

يالعصيمي صحبة الخبل ماهي راس مال - حية(ن) تزحف وتضرس عليك اسنونها

الرد:مستور العصيمي

مرحبا ترحيبة(ن) كنها نور الهلال - عد مالاحت بروق(ن) تلوح مزونها

يالثبيتي ماتلزمت في رمث الحبال - حاجتي لو يمسي الليل ما ارجع دونها
ـــــــــــــــــــــــــ ـــــــــــــــ
البدع:سعيد الذيابي

سلام الله عليكم من ضمير(ن) دق به هوجاس - بعد جينا وجيتوا حولوا والأرض ممتدة

أنا باحطكم يا مطير بين المقصرة والفاس - يموت اللي يموت وحيكم لا رحم ابو جده

الرد:خليف بن دواس

هلا يامرحبا واللي نصاك خليف بن دواس - رماك الله يالسباح في غبة بحر جدة

اخذ كف الحلاقة مد بعد انك كشفت الراس - وحنا من يجينا معتدي ناطى على خده
ـــــــــــــــــــــــــ ـــــــــــــــ
البدع: بن جرشان

ياصف ياشعار مادام ابن عواد موجود - خيل خيال يصبح الصبح سامرة(ن) بروقه

الرد: صياف الحربي

مادام ابن عواد موجود ضلع طويق ممدود - يوجعك لو يطيح فوقك ولو تطيح فوقه
ـــــــــــــــــــــــــ ـــــــــــــــ
البدع:بن حوقان

عندنا عملة عراقية وليرة كلها مضروبة - وش نسوي حظنا مضروب والعملة مزورة

الرد:عبدالواحد

انفجر مثل اللغم واصيح مثل الطبلة المضروبة - والتوي مثل الحنش وارقص كما رقص المزورة
ـــــــــــــــــــــــــ ـــــــــــــــ
البدع:تركي2000

مرحبا بأسمي وبأسم مطير مفنين السرايا - يوم صياح المنادي فالصباح وفالعشية

الرد:مستور العصيمي

البقا بأسمي وبأسم عتيبة القوم الطنايا - وانت تسمعهم ياتركي من عصور الجاهلية
ـــــــــــــــــــــــــ ـــــــــــــــ
البدع :ابراهيم الشيخي

يا معتق ما يسمى معتق الا المعتق من النار - بعد سموك معتق كنك اللي ضامن الجنة

الرد :معتق العياضي

بعد سموك يا ابراهيم بأسم السيد المختار - عسى دعوتك يا ابراهيم ممشاها على السنة
ـــــــــــــــــــــــــ ـــــــــــــــ
البدع :ملفي المورقي

إلي مع زيد موقف واسمعوا ياحضرة العتبان - حرام(ن) من حزامي ياعتيبة ما تضدونه

الرد:مستور العصيمي

أنا خابرك منته في يديني في يد الشيطان - يروح المورقي مع زيد لين يبيح مكنونه
ـــــــــــــــــــــــــ ـــــــــــــــ
البدع:عواض الشهيب

من كف دمع اليتيم اللي على خده - اللي رموا به ورى البصرة وبغدادي

الرد:حبيب العازمي

يكفه اللي يكف البحر عن جدة - ويدف موج البحر لو البحر هادي
ـــــــــــــــــــــــــ ـــــــــــــــ