نسب هـذيــــل في قصيدة

هذه قصيدة رائعة للشاعر محمد بن علي بن هلال الحتيرشي الهذلي

مدري عاد كان أحد شارك بالمشاركة ذي قبلي يعذرني لأني جديد معكم


1 سميـت بـسـم الله رب البـرايـا
الواحـد العالـي جزيـل العطايـا
2 عساه يغفر لـي جميـع الخطايـا
ويقابـل ذنوبـي بعفـو وغفـران
3 اللي خلق آدم مـن المـاء والطيـن
وجاب من نسله ألـوف الملاييـن
4 منهم فقير ومنهـم اللـي سلاطيـن
ومنهم عجم سود وبيض وعربـان
5 سبحان جاعلهـم شعـوب وقبايـل
وخص العرب منهم بطيب الفضايل
6 فاقت مضر منهم قريش الأصايـل
وقريش سادت بالنبي سيد الاكـوان
7 ومن مضر ربعي هذيل الأصيلـه
أهـل العلـوم الطيبـه والجميلـه
8 أهل الكـرم والجـود نعـم القبيلـه
تاريخهم معروف من قدم الازمـان
9 مع النبي يردون فـي جـد واحـد
في مدركه ابن اليـاس والله شاهـد
10 ابن مضر نسل الجـدود الاماجـد
ابن نزار ابن معـد ابـن عدنـان
11 أهل الفصاحه من قديـم الزمانـي
وأهل الشعر قدام قاصـي ودانـي
12 أشعارهـم فيهـا جزيـل المعانـي
والهم من أشعار القديميـن ديـوان
13 ديوان شعر وجـا منظـم بترتيـب
يجمع قصايد مثل در بـلا ريـب
14 كان الإمام الشافعي يحفظـه غيـب
يحوي من ألوان الشعر كل الالـوان
15 من روس خندف مزبن لكل مضهود
يوم القبايل بيـن شاهـد ومشهـود
16 مـا بينهـم ثـار ونـار وبـارود
حمدت من انعم بتأميـن الاوطـان
17 هذا نسبنا فـي التواريـخ منقـوش
مثل الذهب بالعون ما هو بمغشوش
18 صافي نقي زاكي وبالطيب مرشوش
جيل بعـد جيـل مثبـت ببرهـان
19 هذا نسب ربيعـي وهـذا حسبهـا
وكـل القبايـل عارفيـن بنسبهـا
20 أنعم وأكرم بالعـرب مـن يعبهـا
ان كان عدناني ولن كـان قحطـان
21 ابلادهـم مكـه ومـا جاورتـهـا
مـن الجبـال النايفـه واوديتـهـا
22 تاخذ من جبال الشفـا مـا حوتهـا
ما سال منها من سهـول وشعبـان
23 وما حول مكه من حرمها المحـرم
مثل السوار الـذي حـول معصـم
24 وقريش والأشراف معنا لهـم قسـم
حنا وهم دايـم عوانـي وجيـران
25 اديارانـا هـذي هـي الأولـيـه
فـي مـدة الاسـلام والجاهلـيـة
26 ما حول مكه مـن ديـار اهذليـه
اطرافها راحت شـوارع وعمـران
27 يحدنا مـن شـام حـرب وعتيبـه
من شرقنا تاتـي ثقيـف النسيبـه
28 والجحدلـي منـا ديـاره قريـبـه
من اليمن حده وفـي الحـد فهمـان
29 واهذيل حسب اديارها اليوم قسميـن
اهذيل اليمن اجنوب مكـه مقيميـن
30 والا هذيـل الشـام اللـي شماليـن
لكن في الصايح ترا الاسم هـذلان
31 اما هذيل الشام هم (بنـي) وفليـت
(بني ) بني مسعود إن كان عديـت
32 ثـم العميـري والمحيانـي اثنيـت
(نباته) ومنهم نباته فـي رهجـان
33 وفليـت يتبعهـا فـروع كثـيـره
منهم بنـي لحيـان اللـي شهيـره
34 والمطرفي منهـم وربعـه وفيـره
منهم هذيل الطير في نجـد سكـان
35 اما السعيـدي والعقيلـي العريبيـن
معطاني ثم سويهـري والضماييـن
36 ثم الشفيعي مـن فليـت النسيبيـن
لكن يجمعهـم ليـا قيـل صلمـان
37 حتارشه ربعـي وعـزي وقومـي
منهم كمـا قالـوا هذيـل البقومـي
38 ومنهم آل حمـود أهـل القصيمـي
هذي هذيل الشام من غير نقصـان
39 أما هذيل أهل اليمـن هـم قسميـن
المسوده وازهير واهـم الكثيريـن
40 وزهيـر منهـم دعـد والندوييـن
حساني والسراونـه اهـل نعمـان
41 والمسوده قسميـن منهـم جميلـي
ثم آل صالح الطلـوح ابـد ليلـي
42 ومن آل صالح خالـدي والبقيلـي
طلحي ومناعي وهم أهـل شفيـان
43 أما جميل تعـود أفـروع وابـدود
الجابري والقارحـي وآل محمـود
44 والكعبي والياسي عريبيـن الجـدود
ثم السوالم وآل زيـد الهـم اخـوان
45 ثـم العبيـدي ثـم عـد الشعابيـن
وصاهلـه اللـي عددهـم قليليـن
46 واذكر زليفه أهل الشفا الأصيليـن
ثم الرياشـي ربعنـا دون نكـران
47 أما اهل كبكب فهـم فـي اللـوازم
فضلي ومناعي ليا جا أمـر حـازم
48 أجليجلـي والمشعلـي والـحـوازم
ثم آل جابر وال حسن ثـم سبعـان
49 هذي قصيـده جـات منـي هديـه
هديـة مـا مـن وراهـا جزيـه
50 تجمع نسب ربعي هذيـل السميـه
والعفو من تقصير منـي ونقصـان
51 قصيـدة لاشـك مثـل الوثيـقـه
لكل منهـو مـن هذيـل العريقـه
52 يعرف نسب ربعه ويدري الحقيقـه
تمت بحمد الله جواهـر ومرجـان
53 واختامها صلوا بلا عـد واحسـاب
من بعد طاب الختم والابتدا طـاب
54 على النبي والآل جمعا والأصحاب
محمد المبعـوث للإنـس والجـان
ِ