هات الدلال

[poem=font="Tahoma,5,#000000,bold,normal" bkcolor="" bkimage="" border="none,1," type=3 line=0 align=center use=ex num="0,"]
العين تعسف دمعها دون خيال
والهرج يعجز عن كلام اللباقه

هات الدلال وبهر القلب فنجال
وأشرب معي ياصاحبي هيل الصداقه

كان الغياب اللي كسر خوتك طال
وش حيلة اللي غاب عنه إشتياقه

تعال وأنظر كيف دونت تمثال
من جرحي اللي قابلا" للإعاقه

كم من صديق" يزعله قول أو قال
وكم من رفيق" جاهلا" للرفاقه

وكم من عزيز" صف مع صف الأنذال
وكم من سهم صوبي جهز لإنطلاقه

إلا أنت ياسيد المغاوير الأبطال
حتى بمرك شفت حلو الصداقه

لو المحبه تنشرى بجاه أو مال
رصدت لك مليون طاقه وطاقه

أنت الورود الزاكيه ريحها جال
لا والله ألا أنت ياصاحبي باقه

أن قلت لك قول تعاكسه الافعال
أعرف ترى قلبي قبلت إحتراقه

خذها عهد مني ولو هالزمن طال
ماأنسى رفيق معتني بالرفاقه[/poem]