واااعزززي

مشاركتي اليوم طالعة من القلب
ويمكن تحمست كثير وفيه طالع ونازل وتارك الحكم للإخوان والأخوات الله يعطيهم العافية


واعزتي للي ترجى وصالك
طول رجاه وما تفيد الرجاوي

***

صكة سنة مشغول بالي بحالك
صكة سنة وأنا على البعد قاوي

***

مخطيت في حقك وواقف بدالك
همك أهو همي وقلبي شقاوي

***

حرمت نفسي لأجل يرتاح بالك
وجازيتني بالهجر والصد كاوي

***

سؤال جاوب قبل أجاوب سؤالك
تذكر بدايتنا ويوم أنت هاوي؟!

***

وتقول أنا أحبك ولا أرضى بدالك
وزعمت بأنك للجروح المداوي

***

مير الحقيقة صرت للجرح مالك
وأبدعت في فعلك بكثر الحكاوي

***

خلاص يكفي ليش أعدد خصالك
إرحم وأنا خابرك ترحم وتاوي

***

وإذا مصمم لا تعدل مجالك
خلك مع أشكالك ودربك بلاوي

***

رح والذي سواك لأنسى جدالك
ضاع الحسن منكم بكثر المساوي

********************وسلااااااااااااااااامتكم