قصيدة في القبائل العربية

[poem=font="Simplified Arabic,5,green,bold,normal" bkcolor="limegreen" bkimage="backgrounds/23.gif" border="outset,8,gray" type=0 line=0 align=center use=ex num="0,black"]
يالله ياخالـق اراضيـن وابحـار **** الـواحـد المعـبـود رازق عبـيـده

الخالق الغفار علام الاسـرار **** وفـرق شعـوب الارض فـي كـل يـده

وابدي واسولف من عذيبات الاشعـار **** ابيـات شعـر والمعانـي وكيـده

اشري وابيع واعرف كيف بختار **** واختـار مـن جـزل البيـوت الفريـده

واذكر تراث وعـز وامجـاد وافخـار **** قبائـل تومـن بديـن و عقيـده

وصلت حضارتنا على سطح الاقمار **** ابنـا الجزيـرة والجزيـره مجيـده

في ظل حكام لهـم فعـل واشـوار **** آل السعـود اللـي تفـك الضهيـده

نسل الزعيـم الحاكـم العـادل البـار **** مجـدد امجـاد الجزيـره بجيـده

حتى اصبحت حره وحنا له انصار **** في ظل اخـو نـوره هنـوف سعيـده

وصارت لابو تركي بطوله وتذكـار **** والفخـر والامجـاد تبقـى شهيـده

وخلف لنا املوك لهم فعـل واخبـار **** الشعـب واحـد والقيـاده رشيـده

والامن بانينه على ساس وجدار **** وقرو علـى العابـث عقوبـه شديـده

وحنا حماة الدار من كـل غـدار **** ومـا همنـا بطشـه وخبثـه وكيـده

قبائـل مالحقناهـم اوعـار **** وعشنـا بهـذي الـدار عيشـه رغـيـده

والحمد لله نحمده سـر واجهـار **** شعـب تكاتـف مـن سنيـن مديـده

ودون الوطن جيش على كل معبـار **** لارفـرف البيـرق ونـادى عقيـده

بشرق البلاد وغربها دوم حضار **** وارض الشمـال اللـي نفـوده مديـده

وارض الجنوب اللي تخيضر بالاشجـار **** جزيـرة فيهـا القبايـل عديـده

ارض بها قحطـان وافيـن الاشبـار **** وياعـز منهـم بالشدايـد بسيـده

واذكر عتيبه يـوم للطيـب مغـوار **** لا ثـارت الهيجـا وقـرب ضديـده

وشمر هل الطولات والجود مقدار **** اهل الكـرم واهـل الفعـول الحميـده

وقوم اعنزه مروين الاخصام الامرار **** اولاد وايـل مـن عصـور عهيـده

ومطير قوم تكرم الضيف لا زرار **** وياويل خصـم فـي حراهـم وعيـده

واذكر قبيلة حرب يانعـم الاخيـار **** وتاريخهـم يحكـي سطـور مجيـده

وسبيع نعم القوم ووجيه الاسفار **** زبن الدخيـل ليـا زبـن مـن طريـده


واذكر قبيلـة يـام والطيـب ينـدار **** اهـل العلـوم الوافيـه والرشيـده

ثم الدواسر تجعـل الخصـم منهـار **** عيـال زايـد عـز منهـم سنيـده

ثم السهول اللي لها الطيب مدرار **** وعن منهـج العـادات ماهـي محيـده

ثم اذكـر العجمـان حمايـة الجـار **** والمرجلـه والجـاه فيهـم عتيـده

واذكر بني مره طويليـن الاعمـار **** مـا ينقـد المـري ولا لـه نقيـده

ثم الهواجر لابـة تقـدح النـار **** اهـل الركـاب اللـي خطاهـا بعيـده

واذكر بني خالد قبيلة وامـار **** قـوم لهـم فـي المجـد قـول ورصيـده

وبني تميم اللي لهـا الطيـب مصـدار **** بنـي تميـم وكـل فعـل تجيـده

ثم الزعوب اللي بها الخصم يحتار **** شجعـان ماترضـى سـوا ماتريـده

العازمي وافي وفي الطيب بيطار **** روحه علـى كـل المصاعـب صميـده

ثم الظفيري في المصاعيب جبـار **** والطيـب والامـداح باصلـه وطيـده

ثم اذكر الاشراف بجـلال واكبـار **** اهـل الحجـاز اللـي تفـك الزهيـده

ثم الهذيلي له مواقف ومندار **** راعـي الفخـر راعـي العلـوم السديـده

ثم البقوم اللي لهم جيش وامهار **** ريـف الضيـوف ليـا لفاهـم وليـده

واذكر ثقيف اللي لهم مجد وآثـار **** ومهمـا حسبنـا مـن كـلام نعيـده

وبلحارث اهل العز بشهـود واقـرار **** ا لحارثـي ياطيـب فعلـه وجيـده

والمالكي معروف لا صار ما صار **** في موقف اهل الطيـب يبـذل جهيـده

واثني تحياتي عـدد وبـل الامطـار **** علـى سليـم وكـل خصـم تكيـده

واذكر جهينه هل مواقيف وادوار **** تلقـى الجهينـي راسـم الطيـب بيـده

واذكر بلي والمجدله فعـل واظهـار **** وتاريخهـم يحكـي فعـول فريـده

وبني عطيه في المواجيـب حضـار **** قـوم بوقـت الجـد قـوم عنيـده

ثم الحويطي والكرامه لـه اشعـار **** ثـم الشـراري لـه فعـول مفيـده

ثم الرشيدي في الصعيبات صبـار **** علـى علـوم الطيـب فعلـه يزيـده

وباقي جنوب الدار والقاف مـادار **** باقـي علـى قلبـي كـلام واشيـده

زهران نعم القوم في وقت الاضرار **** والخصم عينه مـن لقاهـا سهيـده

والغامدي معروف له عزم واصرار **** راعـي المراجـل والعلـوم المفيـده

وشمران قوم والجمايـل لهـا اطـوار **** وبلقـرن سـم للقلـوب النكيـده

والاكلبـي والمحلفـي مابعـد بـار **** والحارثـي طيبـه وفعلـه يشيـده

وبني شهر وبني عمر سيف بتـار **** قـوم علـى الاخصـام نـار وقيـده

والاسمري والاحمري صيتهم سـار **** بيـن القبايـل والمواقـف شهيـده

واذكر عسير الهول ذربين الاذكار **** وابهـا احتموهـا فالسنيـن الشديـده

وادهم والصيعر على حد الاقطار **** يحمون حـد الـدار مـن اللـي يريـده

وامشي مع الساحل مع جملـه افكـار **** رسمتهـا والطيـر زان اتغريـده

وانزل على جيـزان تاريـخ واديـار **** ورجـال فيفـا والقبايـل عديـده

وارجوا العذر واهل المواجيب عذار **** الي نسيتـه مانذكـر فـي القصيـده

الواهبـي عـدد ابيوتـه بـالادوار **** مـن شاعـر ماشـل قلبـه حقيـده

شهران ربعي هم هل المدح والكار **** واهل الكند واهل السيـوف الجديـده

يوم البلد مايامن الزنـد لاثـار **** زيزومنـا ابـن مشيـط نعـم الوليـده

فالجهل شجعان وفي السلم تجـار **** مـن بطـن بيشـه للتهـم لارفيـده

حبيت ابين موقفي بين شعـار **** وارجـوا سموحتكـم علـى ذا النشيـده

ماحب انافق واتعنصر تعنصـار **** ولا نـي باطيـع اهـل العقـول البليـده

ما كل من طب البحر قيل بحار **** وما كل من شـل الفشـق جـاب صيـده

فالشعـر بستـان بـه ورد وازهـار **** واللـي تعداهـا بيوتـه فقـيـده

واقولها في الشعر تكرار وامـرار **** ضـرف بـلا عنـوان يلغـى بريـده

وبعض السوالف له مواقف ومحضار**** وشعـر بـلا معنـى لـزوم نبيـده

وصلوا على المرسول شفاع الابرار**** محمد الهادي وقدوة عبيده وسلامتكمّ..[/poem]




وتحياتي للجميع
علما بانني ما اعرف من قال هذي القصيده