فواااااااااااااااز لاهنت

بن قاسي

وين شاعر صليم ابغاه عندي كلام:::::::::::ما دري عن هلاله شيف والا بعد

ياهذيل ازهموه ان كان جوه تمام::::::::::::::الدهر لايهمه بعد دن الرعد


فواز

حاضرين النشاما هات كل العلام === نوجع الخالدي لن قام ولا قعد


لا يغشك حزامك شد ربط الحزام === الوعد صبح بكره والتزم بالوعد


بن قاسي

مرحبا يالنشاما مير وين السلام::::::::مانبيها مشاكل مانبيها نكد

وش تقول العرب لن كان خصمي غلام::::::مايعرف العوايد جاهلٍ فالبلد


فواز

انت يالبادي اظلم قدم الاحترام === قبل نكسر ضلوع الخالدي لارقد


لاتشقلب حقايق ياقصير الخطام === شاعر(ن) خالدي ياشبل ولد الاسد


بن قاسي

انت لا جيت قومٍ يارفيع المقام::::::::تبتدي بالتحيه ماتبي من نشد

والحقايق جليه ماغشاها عسام:::::::كل مهبول يكتف من حبال المسد


فواز

جاينا علم قالو فالمحطة خصام === قلت ابنشد سعيد انكان علم سعد


قلت وش صار قالو فالجمال انقسام === والعلوم الخفية ماحصاها عدد


بن قاسي

كل عمله لها وجهين يابن الكرام:::::::وان بغينا الصرافه كلها تعتمد

راح الاعور يدور للعمى في الظلام::::::والعمى مايدل الدرب زاده رمد


فواز

يالله اني دخيلك عن ضعيف الكلام === الرجال الشريفة تقرص اذن الولد



يارفاقة عساكم بعدها للرحام === لاغرابة لو اسمع ببن قاسي شرد


بن قاسي

نحشم اللي ورى المطفوق طبع الحشام:::::::::وانت وش لك في رجلٍ فالخلا يهتبد

كل خشمٍ نفره كان صابه عرام::::::::::::يا عسى ماينولك من شعيل الزبد


فواز

ليت ابن قاسي الليلة تلحف حرام === والله اني رحمته ماش عنده جهد


بارك الله فبو بسام راع الوسام === يوم يحمى دخيله عن صواب الزرد


بن قاسي

ملتحف بالوقار ومجتنب للحرام::::::::والغلط عن دروبه مبتعد مبتعد

رافعٍ رايتي متجاوزه للغمام::::::::::وش تسوي الحصاني في مقابل فهد


فواز

وش يفيد الشنب لا خالط ام الزمام === خل ذيك العمارة جعلها للهدد



جعلكم يالخوالد كلكم للجذام === ابك لاتنكبون هذيل ياهل العند


بن قاسي

الجمل هو جمل وان كان زايد سنام:::::::::مايضره يكون اهل النظر والحسد


والخوالد مع العدوان تروي الحسام:::::::::فعلها مثل حرً في نهار الهدد


فواز


مالكم عذر عن بعض الفعول الجسام === المعاني علاكم مثل وبل البرد



كلتها بالكيال وقستها بالجرام === مار طلعت ثقيله يارفيق السعد