1_ علاء عواد (هذي كل سنه تشارك بس ماعندها ماعند جدتي )
بسم المولى الحق العادل .. خالقنا وخالق هالكون
جيت وطه بين عيوني .. صلي وسلم على المختار
--
جمهور الدنيا جمهوري .. بأمجادك زايد يزهون
ولعيون محمد بن زايد .. راح نوقف ونطش أزهار
--
وللشيخة والام الدولة .. خفاق دايم مرهون
بنت مبارك بس لعيونك .. حطيت بقلبي إنذار
--
جيت أتحدى كل الساحة .. وأعطيهم مني عربون
جيت أتحدى شاعر شاعر .. وبراسي للجن أسحار
*******************
2_ بدر الضمني
كيف أموتك جرح وأحيابك جروح .. كيف ألمك شوق وأرجع أنثرك
كيف أصور للجسد نزعات روح .. كيف أنامك ليل وأرجع أسهرك
المحاجر من لها ملح يفوح .. والحنايا قوتها من سكرك
عجزت أفواه السوالف لا تبوح .. تلبس أيامي محاسن مظهرك
نامت عيون القصايد وين أروح .. الحناجر صوتها مايعذرك
كل ماحسيت بأطيافك تلوح .. في شتات العمر قلت أدورك