حبيب وصياف فتل ونقض

الاخوان الاعزاء اخترت لكم هذه المحاورة بين علمين من أعلامها : ـ

حبيب
مرحبا من هيض صدراً مدى سده بعيد = ما يبيّح بالســـــــراير وحظه معتلي
السنه تبدي وتقضي وتبدي من جديد = وأنت يالحربي تحدى ونارك تصطلي

صياف
البقا باللي بداها على الفال الرشيد = نوب يرقص مع جهينه ونوباً مع بلي
السنه يعرف عددها ما ينفص ما يزيد = والبشر تاكل لو انّ الصحن ما يمتلي

حبيبب
لا يغرك ما يفك الحديد الا الحديد = سالفة في المذهب الشافعي والحنبلي
لا تخليها طويلة ترى ما تستفيد = كيف رجلاً معك سكر وتاكل لك طلي

صياف
أنت رجالاً محكّم وشاطر في القصيد = مير تسرح مع عتيبة وتمسي عبدلي
العيون الحول ترمي كثير ولا تصيد = وأنت لا شفت الطلي قلت يا خيّ خل لي

حبيب
معك عفريتاً محنك وشيطاناً مريد = يوم ياصياف حربي ويومين اسهلي
ياهبوب الريح هبي على خضر الجريد = ما حكم فاهل المدينة حسين ولاعلي

صياف
ما رماك ابقاعة البير غير ام العبيد = وان رجعنا للحلايا ترى مالك حلي
في ثلاث ايام نرسل حبيب في البريد = البنادم يبتلَى والبـــــنادم يبتلي

حبيب
ياسفير اسويسرا والبنوك ام الرصيد = يوم قلت العام خلك معي وش قلت لي
حزّة ً فيها نطقك تراها يوم عيد = طقة ً في الراس والا في عرق الاكحلي

صياف
يو غف الك السمن والقدور ام العصيد = قلت لك فوقك رعود وسحاب ايهلهلي
لو معك سكين يمديك ذكيت الهريد = وان فزع لك عازمي قلت منته من هلي

حبيب
بين رابغ والقضيمة تصيد اللي تصيد = والعصيمي لا يشوفك يلقيك الخلي
لوّ دمك عقب همّك يضخّ مع الوريد = كان ترضى من رضاية ويزعلك ازعلي

صياف
أنت ياراعي الدفيتة شقي مدري سعيد = في يدك مجنون ما ينطبخ ما ينقلي
كان في راسك ظفر قيّد العاصي بقيد = واترك الثيران تشرب وتاكل في حلي

حبيب
أنت ياراعي المدينة مشعوذ ما تهيد = فالقطيف اثنين والثالث أنته يالولي
امتلت حفرة جهنم وياهل من مزيد = يا صواقع صرقعي يا زلازل زلزلي

صياف
ما يغش الأرض غير انت يا هذا الوليد = راسك اقرع والشعر مثل حب الفلفلي
لوّ رفـّعنا اربعة من نقيب اليا عقيد = جاتنـــــــــا ليلة شهر مظلمة ما تنجلي

حبيب
ردّها ماجود عندي بلاش أنك تعيد = روح حنّط هيكلك لا تحنّط هيكلي
سالفة والسالفة بين عمرو وبين زيد= ............................................؟

صياف
أنت رحت بحيد من نجد وآنا رحت حيد = مير خلّك في منازلك وآنا منزلي
جاك بن مبخوت بالخط والعلم الوكيد = قال لك هذا عصيمي وهذا حلحلي




والسلام ،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،، ،