الشعر كبه والغزل صك بابه..ردا على الشيخ فهد المعطاني

هذه قصيده لي ولها مناسبه
وهي
دعيت من قبل فارس الصحراءالاستاذ الشاعر صالح بن دخيل الله المطرفي لأحياء امسيه شعريه وكان المشاركون بها كلامن:
الشيخ فهد المعطاني-الشاعر صالح الهذلي-الاستاذ محمد الزيداني-والشاعر ثواب المسعودي
بدأت الامسيه وبدأنا نلقي القصائد كالعاده بداية بالقصائد الوطنيه ثم القيت قصايد دينيه بعد ذلك فتح الشعراء المجال للغزل بحكم انهم اكبر مني سنا
فلما بدأت القي قصيده غزليه قاطعني الشيخ ابو راكان وقال(مادريت ان الدكتور غزلي)فكان الرد بهذه القصيده التي لم اتشرف بألقائها اماهمه,كما انني سمعت هذه المقوله من اكثر من شخص


[poem=font="Arial,5,#0000ff,normal,normal" bkcolor="#ffff00" bkimage="backgrounds/39.gif" border="groove,5,#ff1493" type=1 line=1 align=center use=ex num="0,"]
يقول ابو راكان واهل الدعاوي=الشعر كبه والغزل صك بابه
دامك طبيب للخلايق تداوي=مالك ومال اللي قتيل صوابه
العشق درب(ن)من مشا فيه غاوي=حيد(ن)عسير متعبات هضابه
قلت القلوب مغيرن الهقاوي=السالفه ماهي علاج وطبابه
وماظن ذنبي كان قلبي هواوي=الله قدر كل البشر في كتابه
ولاني بلا شايب من العقل خاوي=ولاني صغير لا هوى الناس عابه
ولاني سواة مكثرين الشكاوي= انا تراني شب بأول شبابه
الذيب يسري بي ليا فز عاوي=واناخويه لاعتلى في رقابه
اضوي ليا جا الذيب بالليل ضاوي=ولا عاش ذيب ما يعشيه نابه
اعشق على وضح النقا دام قاوي=شعري عفيف وما طرابه معابه
وانا تراني مابتدعت الفتاوي=الشعر قوله من زمان الصحابه
واخر كلامي اقول ماقال راوي=اعذب كلام الشعر اكثر كذابه[/poem]


شعر
عبدالعزيزفالح الفضلي