الفطّر الشيب

الفطّر الشيب

[poem=font="Simplified Arabic,4,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]
واحن قلبي حن للفطر الشيب=اللي حنايا من الظما وانطوت طيْ
لي جات تبغى الشرب عوجاً ملاهيب=وحلاّبها وقاف يطي الرشا طيْ
حمرا وسود ودهم عوج العراقيب=ورداتها مع طلعت الشمس يوخيْ
يبس الشّفي وأنيابها من كلاليب=وأشعافها مع فارع الضيق له فيْ
شيّا بكار اعجام وشيّا محاليب=ومعها الحشي تلعب وتلوي بها ليْ
ومعها هديد يحوفها كنه الذيب=يتابع الهدرات مايقربه شيْ
يصعق لها الراعي وأذاها قناصيب=مع كل جرف وحزم ثنتين يبديْ
وإن قص بالجرة لقيها مهاريب=يومين تاكل في الحيا وانشوت شيْ
واركت على بيرا وأذاها محاديب=بيرا على سحب الرشا ماهو بالليْ
ومعها صبيٍّ ذرف نسل المعاطيب=مجرد الذرعان والجسم ممليْ
امشمر الساقين ماحافه الشيب=لاهو مشى يم الهوى واتبع الغيْ
عفيف نفس مايحب العذاريب=................................. .................
وإن كان في قلبه يبيله مطاليب=يبغى حلال ومن نسب عارفة عيْ
ماهو من الخبل الهبول الدباديب=اللي ليا جا في المجالس هرج غيْ
لاالتمت العراف عقف الاشانيب=يقطع لها في الهرج وان صاب يخطيْ
مايبسطه غير النقد والأكاذيب=مابين ذاك وذاك يزهب ويرميْ[/poem]


ماطر عطالله الفضلي الهذلي