قصيدة للشاعر صالح بن دخيل الله المطرفي الهذلي

[align=center]صحّيت نيّام الزرا للــــــــــــهرج يا الحظ الــــــرقود

وطابت ليالي كاسبين الخايبه وايامها

ومعء مولد الشرهه يموت العذر في صدر الحشود

واعذارنا دود الندم ينخر جميع عضامها

منين ابشرد عن لسان النذل وعيون الحســــــود

ونفسي وراها الموت وبحور الشقا قدامها

لكن لنا يا باطل التحطيم حق من الصـــــــــــمود

لين الزوابع في طرف كمي تموت انسامها

ولو خارطة همي كبيره همتي فوق الحــــــدود

تملك رموز المقدره وحروفها وارقامها

خل الزمن يبخل على نفسٍ لها فالجود جود

وتشمخ ليا هانت على نفس البخيل اكرامها

وحنا ولو قلّت دراهمنا مكارمنا تـــــــــــــــــزود

غصبٍ على شرهات روس اموالكم واقدامها

ضاقت عليك الارض ذات العرض ياصدر الجحود

وشــــــلون تنكر نعمةٍ ذايق نعيــم اسلامها

وانتي رسايل يا السنون البيض عند قلوب سود

اعرف بريد زروفها قدّام اشـــوف اختامــها

واهل القلوب السود لانوار المعالي ماتسود

تعّبت عُوص النضـــا لاهدافها واحلامــها

وان اكءلت الشرهه عمود المعرفه طاح العمود

والمعرفه عمدانها ان طاحت تطــــيح خيامها

واللي يهاب النقد في دنياه ماجاب النقود

ورجل الشجاع اقدامها تــــمشي براي إقدامها

لكن ياقلبي تحزم للشدايد بالجهـــــــــــــود

وقل للقصايد في فضا صدري تـــــشد حزامها

قصايدٍ تسبق معانيها تفاصـــــيل الردود

اكبر من حدود الحروف الشامخه واحـــجامها

حتى عدمها عند حاسدها يُعد امءن الوجود

وايامها تشهد على طول العمر فاعوامـــــها

ولاني بلايم عندها حاسد ولا نضرة حقود

مادام اثر حتى صحايفها تحَسءد اقلامـها




منقول[/align]