قصيده للشاعر // عطالله القارحي

[align=center]هذه القصيده القيت في احتفال لدى قبيلة مطير ..,
"[/align][poem=font="Traditional Arabic,5,darkblue,bold,normal" bkcolor="white" bkimage="backgrounds/29.gif" border="none,4,gray" type=1 line=0 align=center use=ex num="0,black"]




يا الله اطلبك يَسِرها ويسر صُدفها = لا تخيب ثقة من قال هات الهذيلي
اتشرف بدعوة من ركابه شعفها=وابدع القاف لا شفت الهدف مستوي لي
والقصيده فرس ما كل واحد عسفها=كلما جيت اجاري حيلها بان حيلي
من توفق بمطلعها ودرّك صلفها=قيس يومين مكيال الروابع يكيلي
والقصيده هنوف البدو صانوا طرفها=ما تواطن ذليل ولا تواطن بخيلي
والله اني تحملت العنا من شغفها=لو دياري بعيد امشي نهاري وليلي
قدر " ماجد " ومن وصى ومن هو استضفها=والمساهم من القمشان ما هو كليلي
جيت في حشمة اللي دعوته ما حرفها=نا صيتني مع اهل المعرفه والجميلي
يا سلامي سلام اللي بيوته غرفها=من على جال عدٍ شربته سلسبيلي
" يالقميشي " هذا من كلمته ما حذفها=جيت امثل قبيله وانت مثلي قبيلي
شاعرٍ من هذيل اللي الجزاله هدفها=واعتبرني من اهونهم وهذا حصيلي
عزوتي من شواهد وصفها يوم اصفها=قوم ديوان شعر وقوم سيفٍ صقيلي
هم بني عم " فهر ومن مُضر" جا شرفها=تتصل مع قريش اهل المقام الفضيلي
ناصروا الدين و اكبار السلف من سلفها=هم صحابة رسول الله وعندي دليلي
والهذيلي ليا منه بناها نصفها=ما هضم حقكم يا مزبنين الدخيلي
كلمة الحق حق ولا ندور خلفها=عارفين الكثير وعارفين القليلي
انتم اهل الفعول اللي شهدنا طرفها=يا مطير الاصاله والشداد الاصيلي
و انتم اهل الديار اللي حميتم كنفها=كل ديره لكم فيها مبيت ومقيلي
من حدود الحجاز ، العبدلي ، محتصفها=ومن حدود الكويت , ابريه , علوى , تعيلي
من سلالة قرومٍ ما تطاير صُحفها=خصها الله بقوة باس ما له مثيلي
فيكم اصدق حديث وحكمته ما كشفها=في خروج المسيح اقوى قبيله تميلي
تشرق الشمس ون غابت تغيب بسدفها=فيه يومٍ عبوس وفيه ظلٍ ظليلي
رحمة الله ولا رحمة يد اللي نكفها=لو حُرمنا المطر ما فيه وادي يسيلي
والجمل لو يدرهم رقبته ما عطفها=غير في حاجته ما هي عداله وميلي
من عرف قيمة النخله يليم سعفها=رحلة الألف ميل ان جات تبدا بميلي
والقبيله ليا ما وقتها ما نصفها=تعرف ان الزمن معكوس والله وكيلي
كل عمله ملامتها على من صرفها=والجنيهات لو تصبح من المستحيلي
من ضري بالجواهر ما يدور صدفها=والقناعه على ما قيل كنزٍ مهيلي
من تولف على حاجه بطبعه ولفها=لين يصبح مفارقها عنه مستحيلي



// من شعر عطاالله القارحي //[/poem]