تغطية الحلقة الثانيه (المرحله الثانيه)

[align=right]قصيدة الشاعر علي السبعان ::[/align]


[poem=font="arial,5,#000000,bold,normal" bkcolor="" bkimage="" border="none,1," type=1 line=0 align=right use=ex num="0,"]
هيه يافرعونة الهَرْج الرهيف وتاج راسه=سيّدة هـ اللي يسمّونه قصيد وسِتّ بيته
لو دريتي وش جبَرْ شاعِرْك يبلع موس ياسه=جرحه اللي يذكره ويقول للعالَمْ نسيته
في زمانٍ صار فيه الشعر تطبيل ووناسه=لا يعاني اللي أقول ولا يقول اللي عنيته
والله ان البرد عِزّه لا احْرَقْ الحَطاب فاسه=اسمعي علمي وانا لا قلت علمٍ ما ثنيته
كان يا ما كان والرجال ملبوسه قياسه=لين صرت أفصل أطرافي على ثوبٍ شريته
كلما جريت آآآه مْن الوجع قالوا سياسه=واكملوا عنّي كلامٍ والله انّي مابديته
واشهد انّي مغرم بْهَذا الوطن واحبّ ناسه=قِلْ وطنْك وكل عرقٍ بي يلبّي لك: فديته
من بحَر فيروزه لْخضرة نَخَلْه إلى يباسه=لو حقيبة غربتي تاسَع تضاريسه خذيته
بس انا رَجْل الوجَعْ يلبسه من راسه لساسه= كلما أكسر ضِلْع في قلبي على كسرٍ طويته
إنكسارات العمل والركض وايام الدراسه=المسافه بين ما كنت أزرعه واللي جنيته
قلت مرّه يا (علي) من شَلّ راسه طاح راسه=رَدّ صوتٍ داخلي والله يطيح إذا حنيته[/poem]