ديوانية الشيخ أبو حمدان الشعبية

	المشاركة الأصلية كتبت بواسطة ذيب الفيافي

	[poem=font="arial,5,#d2691e,bold,normal" bkcolor="" bkimage="" border="none,1," type=1 line=0 align=center use=ex num="0,"] ياكثرهم .. لا قلت لك .. عرفة وجيه =وياقلهم .. لا قلت .. قـدر ومعـزه رجلٍ .. تعزه بعد ماتلتقـي .. فيـه =ورجلٍ .. قبل ماتلتقي بـه .. تعـزه ورجلٍ .. ترزه بالمجالـس مباديـه =ورجلٍ .. فلوسه بالمجالـس تـرزه ورجلٍ .. يموت ولا يجيبون طاريـه =ورجل ٍ .. يجي طاريه في كل حـزه ورجلٍ يهزه .. بعض موقف ويشقيه =ورجلٍ .. مهوب أيّات موقف يهـزه ورجلٍ .. ضعيف .. ويستفزه معاديه =ورجلٍ .. كلام اعداه مايستفـزه ورجلٍ .. تلزه يعترف لك .. بخافيه =ورجلٍ .. على خافيه .. محدٍ يلـزه >ورجلٍ .. يوزونه .. ويزعل بنيخيـه =ورجلٍ .. يزعّل من يحاول ، يـوزه< ورجلٍ تكزه لا زم انك توصيه =ورجلٍ .. بليّا ما توصيـه .. كـزه من لا فرش للمرجله ماتغطيه =ومن لايخز .. الناس .. محدٍ يخـزه ان كنت تعرفني فهي .. عرفة وجيه =مو شرط لك بالقلب قدر .. ومعـزه[/poem]

ياهووووووه وش هالكلام الزين والحكم
لو إنك أنت اللي قلت هالكلام ياشيخ تحصلني كل يوم قدام باب بيتكم
أنتظرك الين تخرج على شان تسمعني قصيدة
هههههههههههههههههههه

لكن وش فيك زعلان الليلة
اشوف بينك أنت وابو شموخ علوم طوال عراض عسى ماشر
تعالوا تقهووا عندي في الديوانية وسموا بالرحمن وكل العلوم تتصلح
تروني أمون عليكم كلكم ياويل واحد فيكم يخرج عن كلامي

استهدوا بالله وعينوا خير