ديوانية الشيخ أبو حمدان الشعبية

يا صباح الخير للرجال المناعير رجالٍ تجيب العلوم اللي تنومس

بيض الله وجيهكم يالربع والله أمتعتونا بهالديوانية وناسة وبداوية وتعلّم ما يجهل وأخذ العلوم الغانمة ومن أهلها الغانمين شرواكم يالذيابه 000


مبدعين والله مبدعين كلكم 00

وسلامي لراعي الأوله وراعي الديوانية الغالي على قلوبنا شيخنا أبو حمدان والله ضيافة وكرم وعلوم ما تنمل عزالله إنها تنومس 000


وأبو خالد راعي الجن هههههههههههههههه الله يسعده أشهد إنه فارس الديوانية 00 والجميع الجميع والل لو أذكر الأسماء أخاف أنسى أحد كلكلم مبدعين

واليوم جيتكم بمساجلة روووووعه بين شاعرنا الكبير \ عيد بن سعيد السويهري الهذلي ( عم مديرنا أبو ثامر ) وبين الشاعر سعو العتيبي 00




وشاعرنا عيد بن سعيد السويهري بدوي يعتز بعروبته وأصالته البدوية ويتمسك بها رغم إجهاض الحضارة والمدنية لكثير من العادات والتقاليد القديمة 00

يقول الشاعر سعود العتيبي :


[poem=font="ms dialog,5,#8b0000,bold,normal" bkcolor="" bkimage="backgrounds/8.gif" border="solid,1,#c0c0c0" type=2 line=0 align=center use=ex num="0,"]
يا عيد كـل راح وأقفـى بحينـه =كم ماضي في وقتنا اليوم مفقـود
كنـا نظنـك غيرتـك المديـنـه =مير أنت باقي أنت يا طيب العود
لا زلت أشوف من البدو فيك عينه =حسن الظيافه والكرم ماله حـدود
هو ما أعجبك جو الحضاره بزينه =والا أنت لك ياعيد غاية ومقصود [/poem]


فكان الرد سريعاً من الهذلي المتشبع بالبداوة والتراث الأصيل :

يقول عيد السويهري :


[poem=font="ms dialog,5,#8b0000,bold,normal" bkcolor="" bkimage="backgrounds/8.gif" border="solid,1,#c0c0c0" type=2 line=0 align=center use=ex num="0,"]
أنا بدوي لوني سكنت المدينـه =نفسي معودها على الطيب والجود
ما جيب للضيفان غير السمينـه =عاده ورثناها من البدو يا سعود
والبن ما وديناه راع المكينه =النجر والمحماس في البيت موجود
وهذا الحطب والمجرفه والعجينه =علـى بداوتنا معاميلنـا شـهـود
طعامنا بيديـنـا طابخيـنـه =من فضل ربي ما شرينا من زيود
حنا لنا عادات فعلا ثمينـه =إهمالها يا سعود عيب ٍ ومنقود [/poem]


وشكراً للجميع 000 ومازلنا مستمتعين في دايوانية أبو حمدان العامرة