مطبات صناعية
بسم الله الرحمن الرحيم
[poem=font="ms sans serif,5,,bold,normal" bkcolor="" bkimage="" border="none,1," type=1 line=1 align=center use=ex num="0,"]
يا جود انا بالي على الدنيا طويل=لو زادت اوجاعي وحزني ماشكيت
اتعب على نفسي وحملي مايميل=وابني بروح الصبر والاصرار بيت
بالصبر والحكمه يصير المستحيل=واللي تبطل بالهمم بلكي وليت
لابد خضاض السقى يلقى حصيل=وان كان ماخضه على الفضله يبيت
المرجله ماهي على الشارع سبيل=كلاً يحملها في صندوق الونيت
المرجله حثه على فعل الجميل=تفسير هافزعه وطيب وحسن صيت
دنياك يابنادم كما حبلاً طويل=اما تشربك فيه والا به رقيت
واسوا مطبات العمر قرب البخيل=اللي يصنخبك ليامنك نخيت
اما قفل بابه بلا قال وقيل=والا عطاك العذر وانته ماحكيت
مايقنع اطماعه كثير ولاقليل=لو يمتلك جده عيونه في الكويت
حصالةً مفتاحها ضايع بليل=من يدك تاخذ وانت منها ماخذيت
راعي الحسد ماواطنه لوهو جميل=واهل النمايم عن مجالسهم نحيت
اللي يجالس راعي النمه هبيل=ينقل علومه عند غيره كمبليت
الهرج عنده لايبيت ولا يقيل=لو كان يركب لانتقاله بسكليت[/poem]
التوقيع |
[poem font="Arial,5,,bold,normal" bkcolor="" bkimage="backgrounds/17.gif" border="none,1," type=0 line=0 align=center use=ex num="0,"]
شعري يجي دايم ثلاثيّ الابعاد=في الراس يغلي لين احقق مراده
ماكنه الا شاي يغلي في براد=يطلع خفيف اللون سكر زيادة[/poem] |
|